Arumil a huramenta pa por traha cu Wardacosta

Recientemente señor Croes, director di Directie Wetgeving Aruba a huramenta un grupo di milicia di Aruba (Arumillers). E ceremonia di huramentacion a bai den forma virtual.

E grupo di Arumillers a termina e curso di ‘buitengewone agent van de politie’ (BAVPOL) ku exito. Komo ‘BAVPOL-ers’ nan a risibi e autoridad pa por hasi investigacion di hechonan kastigabel.

E curso di BAVPOL tawata nesesario pa haya mas conosemento y abilidad pa por ehecuta e trabounan riba lama como autoridad. For di 2019 Wardacosta ta risibi asistencia di Arumil den forma di un ‘langdurige bijstand’.

E milicia di Aruba ta ehecuta e trabounan huntu ku nan coleganan di Wardacosta durante di interceptacion di droga y control di botonan riba lama. Ku e asistencia di Arumil, Wardacosta por eherse su trabounan di mantecion di ordu 24 ora pa dia durante 7 dia pa siman.

Wardacosta ta felisita e grupo di Arumil ku nan huramentacion y loke nan a logra.

Leave a Reply

Your email address will not be published.