Bishita di algun miembro di Fraccion di MEP na Scol Basico Dornasol

Despues cu dia 17 di maart parlamentarionan, Hendrik Tevreden y Shailiny Tromp-Lee a bishita Scol Basico Dornasol en coneccion cu nos celebracion di Dia di Himno y Bandera. E cabesante di e scol, sra. Rosy Abreu-Vasco, a extende un invitacion na Fraccion di MEP pa duna un splicacion mas amplio di nan scol, cu ta un cluster 4 school.

Dornasol ta un scol speciaal cu ta keda respalda pa United Nations pa e motibo di e aspecto médico cu e scol tin. Ta trata di muchanan special cu ta den necesidad di enseñansa special. Principalmente e aspecto psychiatrico tin cu haya e atencion banda di e partí di eseñansa adapta y dirigí cu e muchanan tin derecho riba dje.

A trata diferente punto pa loke ta trata e.o. e tipo di scol, cantidad di mucha y maestro, plan pa futuro (corto y largo plazo) presupuesto y knelpunten. Un reunion cu a bay hopi bon y cu sigur a trata puntonan cu como parlamentario nos por tene cuenta cu nan ora nos bay trata prespuesto 2021.

Leave a Reply

Your email address will not be published.