Dia di Himno y Bandera lo wordo celebra e aña aki den un forma ameno, dibertido ysigur diferente cu e game show ‘Rementa Celebro’. Oficina di Turismo, ta promove e slogan di One Happy Island, y sigur ta compronde e reto cu Aruba taden dje actualmente.
Den e momentonan dificil aki e ekipo di A.T.A. ta compromete su mes pa trece unprograma cu ta trece alegria den cas di tur hende den un forma sano y ameno.Pa A.T.A. ta un placer pa uni su mes na e calendario di actividadnan cu tin pa celebra nos dia nacionaldi Himno y Bandera 18 di maart.
Un di e papelnan importante cu A.T.A. a asumi durante di añanan tadi educa nos comunidad. Den e caso aki na un manera dibertido. Educa y conscientisa referente noscultura, e importancia di nos turismo y tambe conocemento general di nos isla ta hopi importante, pa Oficina di Turismo pero sigur tambe pa e experiencia di un bishitante.
Nos tur mester por compartiinformacion y inspira nos bishitantenan pa medio di conocemento di nos isla.A.T.A. pa medio di e programa cu ta resorta bou di e capa di Ban Serio Aruba ta presenta un conceptonobo pa Aruba, unda den forma di un Game Show lo celebra nos dia nacional sigur yena cu alegria y momentonan comico pa tur cu participa y sintonisa.
Pa haci e celebracion nacional aki uno grandi y sigur dibertido, lo crea un set unico unda dos host -conhuntamente cu 8 persona conoci den nos comunidad- lo test nan sabiduria hunto cu e puebloparticipante den un forma bibo.
E diferencia di e game show aki ta sigur e parti comico cu lo wordohinca aden. No ta simplemente un quiz unda e conocimiento di Aruba ta bay wordo getest pero esaki lowordo haci den un forma cu ta trece harimento den hogarnan unda tur hende por mira e show comotambe esnan riba e scenario.
E show ta priminti di ta uno dinamico.Den e simannan venidero lo crea diferente video y trece informacion dilanti pa asina pueblo den sutotalidad por ta bon informa y sa con lo por ta miho prepara pa e game show aki.
Pa informa bo mes,mester sigui nos via Ban Serio Aruba su pagina di facebook of Instagram. Importante ta cu porparticipa pa medio di un plataforma digital cu lo lansa pa e programa aki.
Pues comunidad completo tambe ta invita pa forma parti di Rementa Celebro. Rementa Celebro lo pasa 18 di maart pa 7’or di anochi na Telearuba y via Ban Serio Aruba sucanalnan social. E dos host Larissa Bermudez y Ruben Garcia lo conduci e programa aki. Pa mas informacion sigui nos mensahenan riba facebook page of instagram di Ban Serio Aruba.
Leave a Reply