Schedule di trabounan di departamento Infra & Verkeer y Riolering pa otro siman 14-18 di juni 2021. Entrante dialuna departamento di Riolering lo bay haci trabounan di mantencion na altura di Palm Beach 9B te cu Palm Beach 3.
Trabounan lo wordo haci entre 8’or di mainta te 4’or di atardi y e duracion di e trabou akinan lo ta 6 siman. Diamars dia 15 di juni 2021 lo cuminsa cu trabounan di preparacion na altura di Wara Wara 17E te cu e T-weg di Picaron 15.
Orario di e trabou akinan lo wordo haci entre 8’or di mainta te 4’or di atardi y duracion di esaki lo ta 8 dia. (Dia di asfalta nos lo anuncia despues).Tambe diamars dia 15 di juni 2021 te cu diabierna 18 di juni 2021, departamento di Infra & Verkeer lo bay construi 4x verkeersplateau dilanti Queen Beatrix International Airport.
Orario di e ciere akinan lo ta di 7’or di anochi te cu 3’or di marduga. Ruta di desviacion lo wordo indica cu baricadanan y borchinan di aviso. Por ultimo un update tocante e trabounan na Kamerlingh Onnestraat, awe lo caba di pone e toplaag di asfalt, mayan nos lo haci trabounan di marcacion y pa atardi, nos lo habri e caminda completo.Por fabor tene cuenta y danki pa e cooperacion.
Leave a Reply