Siman pasa 27 di januari 2021 Landsrecherche, bao guia di huez-comisario y den cooperacion cu RST (Recherche Samenwerkingsteam), a tene huiszoekingnan na un compania na Curaçao y na un compania na Aruba.
E huiszoekingnan aki a tuma lugar den cuadro di e investigacion di Landsrecherche di posible delitonan di corupcion y otro hechonan castigable rond di otorgamento di terenonan di gobierno entre 2009 y 2017.
E investigacion aki ta conoci como Avestrus. Durante e huiszoekingnan a tuma beslag riba cargadornan di dato y administracion. Pa awor no a haci ningun detencion. Avestrus, den cual ta investiga e posible rol di un minister anterior, ta dirigi riba e pregunta si companianan a haya terenonan di erfpacht na un manera cu ta contra ley.
E huiszoekingnan di siman pasa a keda cla.E investigacion ta sigui. Na e momento aki Ministerio Publico no ta desea di duna mas informacion. Si bin mas desaroyo, lo comunica via comunicadonan di prensa.
Leave a Reply