Lisette Arends Maduro: E poder hudicial

Ministerio Publico (of OM) ta e unico instancia cu por trece un sospechoso dilanti juez.OM ta zorg pa hechonan castigabel wordo investiga y persegui pesey ta traha cu polis, Landsrecherche etc etc.

E Fiscal (of Officier van justitie of OvJ) ta esun cu ta guia e investigacion.OM ta forma hunto cu Juez e poder judicial (rechterlijke macht).Ora un sospechoso wordo deteni ta pasobra e ta wordo ‘sospecha’ di a comete un hecho castigabel cu ta aparece den nos Wetboek van Strafrecht van Aruba.

E proceso cu e sospechoso aki lo encamina ta aparece den nos Wetboek van Strafvordering van Aruba. Ban bek na e otro podernan den e Trias Politica cual ta forma un estado di derecho. Aruba ta un estado di derecho.

Separa di e poder Judicial nos tin:

* Poder legislativo (wetgevende macht; cual ta consisti di Parlamento y Gobierno unda por ejempel parlamento ta aproba leynan cu Gobierno ta trese dilanti)

* Poder ejecutivo (uitvoerende macht;

Gobierno ta duna leiding na ministerionan y ambtenaren cu lo ocupa nan mes pa ejecuta e leynan aki) E poder judicial ta separa di e otro 2 podernan.

E poder judicial ta traha independientemente/separa di Gobierno (poder ejecutivo).Gobierno no por bisa OM ken pa persigui, ki ora pa persegui, ken mester wordo deteni of pa cuanto tempo etc etc Actualidad:

Den e Gobierno anterior (2013-2017) OM a detene un minister den funcion.OM (e rechterlijke macht) a actua independientemente di e Gobierno (uitvoerende macht) di e tempo ey. Gobierno no por influencia OM pa no detene e sospechoso.

Den e Gobernacion actual (2017-2021) OM a detene un ex minister di e Gobierno anterior (2013-2017). Gobierno actual no por influencia OM pa detene e ex minister/sospechoso.Na e momento aki e sospechoso ta in verzekering gesteld.

Despues di 48 ora e sospechoso lo wak un Rechter Commissaris (RC) y asina e proceso lo sigui.Por check esaki den e Wetboek van Strafvordering van Aruba.Mi FB friendsnan ban sigui educa nos mes.No sigui opinion di massa of media comprometi.Busca informacion y forma bo mes un opinion.

Leave a Reply

Your email address will not be published.