Diabierna ultimo 16 di april 2021 e proyecto pa mantencion di e edificio di Corte a yega na su final. Esaki a tuma luga cu firmamento di e procesverbaal pa e finalisacion di e proyecto den e sala grandi di Corte.
E firmantenan tawata Minister di Finansas, Economia y Cultura, sra. Xiomara Maduro, Minister di Husticia, Seguridad y Integracion, sr. Andin Bikker, Vice Presidente di Beheerraad di Het Gemeenschappelijk Hof van Justitie, sra. Grace Maduro.
Director di Albo Aruba N.V., sr. Gerco Rijkers, Project Manager di Albo Aruba N.V. sr. Anno Postma y Director di Monumentenbureau, sra. Yvonne Webb-Kock. Un proyecto dificil pa ehecuta mirando cu Corte mester a sigui cu su operacion diario.
E mantencion a cuminsa dia 22 juli 2020 y e proyecto a wordo realisa den 4 fase. Asina mes a logra realisa e mantencion den e tempo y dentro di e presupuesto premira.
Monumentenbureau ta gradici, Minister di Finansas y Economia, Minister di Husticia, Seguridad y Integracion, Beheerraad di Het Gemeenschappelijk Hof van Justitie.
Corte den Prome Instancia, Albo Aruba N.V., Serfix Installation Techniques, Ranvic N.V., advisor technico ACE Firm Engineering, personal di Monumentenbureau y tur esnan cu a haci e proyecto aki posibel, specialmente na e usario y personal di Corte pa nan pasenshi.
Monumentenbureau ta spera di por sigui aporta na mantencion di nos monumentonan. Aruba por ta orguyoso di a logra trece e edifico di Corte bek den su splendor
Leave a Reply