Gaza tabata obhetivo di un candela intenso ora cu ehercito di Israel a manda atake aereo. Un aclaracion a yega for di ehercito, coronel Jonathan Conricus a bisa cu no tin tropa di Israel den Gaza.
Un Productor di CNN na Gaza a informa cu tin un tropa di forsa y atake aereo. Funcionario di Nacionnan Uni na Gaza a bisa cu decenas di persona a huy for di nan cas pa asina busca refugio.
Minister di defensa na Israel, Benny Gantz ta adverti cu Israel tin mas obhetivo y no tin limite pa nan operacion militar contra Gaza, mientras ehercito di Israel y combatiente palestino lo sigui intercambia atake aereo.
Israel a convoca un 7000 reservista di ehercito. Combatiente di Gaza a tira mas di 1750 rockets pa Israel for di comienso di conflicto. Di esaki, centenares a faya of keda intercepta pa sistema di defensa na Israel.
E atakenan entre Israel y Gaza a laga 109 persona morto incluyendo 28 mucha y 15 hende muhe. Asina e informa e ministerio di salud palestino. Un 621 persona a sufri herida manera resultado.
Un dia prome, palestino a skirbi na e conseho di siguridad na ONU y e presidente di asamblea general pa pidi e conseho pa cumpli cu nan responsabilidad di mantene e paz y siguridad internacional.
Merca a pone un declaracion pa e conseho di siguridad y a blokia cualkier accion di organismo, y ta prefera un cambio di diplomacia mas directo. Un reunion solicita di e conseho di siguridad di e crisis no tin luga pa motibo cu Merca a blokia e sesion. Merca a indica cu por acepta un reunion otro siman, un diplomatico di ONU a bisa.
Leave a Reply