FADA a duna di conoce cu situacion actual ta pone cu mas persona ta busca cosnan pa haci. Esey ta ocaciona cu mas caso ta bin dilanti cu uso di alcohol tambe caso di uso di substancia illegal ta hunga un rol.
Rulienne Arends trahado preventivo di FADA a amplia cu recientemente a tuma nota cu e uso di alcohol ta halto y mas caso ta bin dilanti cu violencia domestio. Nan ta wak e factor e uso di alcohol ta ‘hunga un rol grandi’ y uso di subtancia illegal, manera marihuana, cocaine, xtc.
Sinembargo Arends ta comparti cu no ta algo cu ta sucede na Aruba so, pero tin bastante caso na Merca, Australia cu ta paisnan cu ta keda leu pero ta pasando den mesun situacion. E ta bisa aparte di virus tin cu corda efecto cu ta bay bin cune manera e perdida di economia pa turismo.
Nan ta compronde cu actividad asina of e uso di alcohol por kita nan stress. Nan sa cu hende ta preocupa pa e virus y kico tur ta bay pasa cu nan entrada, cu nan yiunan cu ta haci mas dificil pa compronde nan les of cu tin mayornan mester bay yuda nan sin nan mes compronde.
Arends ta bisa cu ta varios factor ta hunga rol. Nan mester ta consciente cu e uso di substancia legal of illegal cu nan ta usa pa lubida nan problema. Pero mester corda cu e situacion ta pa un tempo y cosnan lo cambia.
E no ta bisa cu no por dal un biña of un cerbes leu a leu pero locual ta pasando ta cu antes cu hedne tabata bebe den weekend ‘awo e ta birando tur dia’. “E ta algo mas cu social. Un bes pa luna tabatin un happening cu amistad. Awo e ta birando un rutina di tur dia.”
Esey por trece tambe consecuencia cu esnan cu tabata recuperando di un addicion ‘e por ta un caida pa nan’. Arends ta bisa cu tur locual ta pasando por tin un efecto riba nan. Awo cu reunion di AA (alcoholico anonimo) no ta sucede, por tin cu cune recaida fuerte pa nan tambe.
Arends ta comparti cu nan di FADA a tuma contacto cu CAA (Consultorio pa asuntonan di adiccion). Nan lo atende cu hende cu ya caba tabata ricibi yudansa y ta atendiendo caba persona via telefon.
Si tin un persona cu ta sinti mester papia via telefon, nan por yama CAA San Nicolas na 5847377 tambe por check via nan medionan social y di FADA pa cualkier pregunta cu nan lo por tin.
Nan lo bay den nan inbox y haci pregunta y nan lo tuma contacto. Nan lo yama trankil pa atende via whatsapp. Tambe tin un persona di FADA pa atende cu persona cu tin algun incomidad.
Actualmente nan di FADA no ta presente pa atende publico, por si yama nan via telefon piblico y nan pa wak con ta atende cu e problema. Nan lo bin cu liña directo cu por comunica cu trahado preventive si ‘hende kier uit nan mes’.
Leave a Reply