Tribunal Supremo di husticia na Venezuela a ordena na un sentencia publica pa e Diario El Nacional, pa critica e gobierno di cuestiona presidente Nicolas Maduro. Nan tin cu paga un suma di 13.6 miyon dollar pa diputado Diosdao Caebllo manera indemnisacion na un demanda pa daño moral. Cifra cu nan ta considera impagabel.
Corte a faborece Cabello, un di figura mas poderoso di chavismo, a trata di desprecio publico contra e persona, cu ta afecta su bida personal y familiar, asina manera su entorno social y general.
Diosdado Cabello, kende tambe ta prome vice presidente di Partido Socialista Unido di Venezuela, e partido di gobierno a demanda e media na 2015 despues di cu a publica informacion pa e diario ABC di Spaña cual tabata informa di parlamentario tabata investiga na Merca pa narcotrafico.
E Diario El Nacional, cu 77 aña di funcionamiento a rechasa locual ta considera un persecucion politico y hudicial pa parti di Diosdado Cabello na contra di accionista, directivonan y trahado.
“Nan no por a cumpra nos compania usando fondo publico, no por a somete nos na menasa, demanda di tur indole. Nan no por a doblega nos linea editorial”, e corant a informa riba un comunicado.
Ta aclara cu nan proposito nunca tabata pa difama, sino difundir informacion y opinion. Nan agrega cu sentencia ta carece di argumento huridico. Na final di 2019, e legislado a señala na su programa cu lo entrega na sede di El Nacional pa funciona manera un universidad di comunicacion.
Organisacion no gubernamental na Venezuela manera Espacio Publico y Instituto di Prensa y Sociedad (IPYS) a denuncia di forma reitera locual considera na un politica di Estado pa sigui y silencia medionan di comunicacion, en general esnan cu ta critica gobierno.
Leave a Reply