Rusia ta bira e provedor importante di vacuna contra covid-19 pa America Latina, un medida cu por tin consecuencianan duradero na e configuracion di mundo pospandemico y afecta aun mas e prestigio di Merca den e region.
Moscu ta confronta protesta na su pais y condena pa cuestion di derecho humano di Merca, Francia, Reino Uni, Canada y otro paisnan occidental, esey ta problema cu tin poco resonancia na America Latina.
E reciente publicacion ta un evaluacion positivo revisa pa par di vacuna Ruso Sputnik V na The Lancet, e revista principal medico di Inglatera a keda ampliamente celebra.
Eduardo Valdes, ex-diplomatico y miembro di coalicion gubernamental y presidente di comite di relacionnan exterior di Camara di Diputado na Argentina a bisa cu tin un liña entre negociacion di vacuna y factornan externo.
“Awo no ta momento di haci ideologia, nos obhetivo ta cu hemisferio occidental obtene nan vacuna y no mete den asunto interno di otro persona”, el a bisa CNN.
America Latina ta keda bay cada bes mas na Moscu pa busca yudansa pa asina por haci frente di e pandemia. Seis pais di e region (Argentina, Bolivia, México, Nicaragua, Paraguay y Venezuela) a autorisa e uso di e vacuna Sputnik V. Otro ta considerando solicitud di autorisacion, cada bes mas urgente na escasez mundial di vacuna disponibel.
Leave a Reply