Un tribunal frances a condena, expresidente di Francia Nicolas Sarkozy pa tres aña di prison pa corupcion y trafico di influencia, pero a suspende dos aña di sentencia.
Nicolas Sarkozy tabata presidente di 2007 pa 2012 y a keda declara culpabel di purba obtene ilegalmente informacion di un magistrado di rango halto na 2014 di un investigacion na curso di finanzas di nan campaña.
E hues a bisa cu Sarkozy no mester pasa tempo den prison pero por cumpli su condena cu un cadena electronico na cas. Nicolas Sarkozy, 66 aña di e prome president sentencia na prison na historia moderna na Francia.
E fiscal di Paris a solicita un sentencia di prison di dos aña y un sentencia condicional di dos aña pa Sarkozy y otro acusadonan, su abogado Thierry Herzorg y ex-magistra Gilbert Azibert. Herzorg y Azibert a keda declara culpabel y condena pa prison.
Despues di un investigacion largo y situacion legal, e huicio a cuminsa na fin di aña pasa. E hues a dicta e sentencia di Sarkozy, frente di un sala di audencia yen. Na 2013, e caso a cuminsa cu investigadornan cu a interveni telefon perteneciente na Sarkozy y su abogado Herzog, na e contexto di un investigacion contra Sarkozy.
Nan a descubri cu e dos hombernan a priminti e magistrado Gilbert Azibert un luga prestigioso na Monaco, na cambio di informacion di un investigacion na un curso di denuncia cu Sarkozy a acepta pago ilegal di heredera di L’Oreal, Liliane Bettencourt, pa su exitosa campaña di presidencial di 2007.
Leave a Reply