Charla informativo di Leo Club pa nos hobennan entre 18 y 30 aña

Hoben ata bo oportunidad di haci un diferencia pa comunidad di Aruba. Afilia bo mes na LEO Club, e organisacion hubenil di Lions Clubs International, e organisacion di servicio mas grandi na mundo cu mas di 1.4 miyon di miembro.

LEO ta significa Liderazgo, Experiencia y Oportunidad. Miembronan di Clubnan LEO ta reuni, organiza y realiza proyectonan di servicio na bienestar di nos comunidad. Participando den e actividadnan aki e miembronan ta desaroya nan abilidadnan di Liderazgo, ta Experiencia den yuda nos comunidad ta un Oportunidad pa siña enfrenta refonan nobo y e responsabilidadnan cu esaki ta trece cune.

Ademas e ta alerta nan riba e necesidad cu ta biba den nos comunidad. Aruba One Happy Island Lions Club lo ta organizando un atardi di informacion diasabra 6 di maart venidero entre 4 pm y 5.30 pm na College Zaal EPI situa na Seroe Blanco.

Bo kier comparti bo idea, bo kier contribui positivamente y traha na bienestar di nos comunidad y bo kier conoce amistadnan nobo? Sea parti di e bunita proyecto aki y nos miembronan ta sperabo hunto cu bo amigo of amiga pa asina informabo y contesta cualkier pregunta cu bo por tin pa cu esaki.

Tambe por opta pa sigui e atardi aki via forma digital tambe tambe. Pa mas informacion por bishita nos facebook page Aruba One Happy Island Lions Club of email nos na ohilclubaruba@gmail.com .

Leave a Reply

Your email address will not be published.