EPI unit Salubridad & Servicio di fiesta celebrando e 40 aniversario den Educacion di Alicia Leest

Mas cu mita di e periodo aki e ta den servicio di Colegio EPI. Alicia a cuminsa na EPI dia 1 di november 1997. Mescos cu e scol e tambe a crece y awendia e ta administratief medewerker na unit S&S. Alicia ta masha stima mes pa colega, docente y alumno.

E ta gusta pa tur cos ta bon regla y ta manera un mama pa tur cu conoce. Cu lagrima di emocion na wowo Alicia a ricibi su regalonan for di diferente colega y alumno. Directie di EPI, management, directie di DPS y su coleganan a dedica algun palabra di felicitacion na Alicia y conta di su magia cu e ta toca tur hende cu ne den su bida diario.

Alicia ta traha tur dia cu un smile riba su cara, den cualkier situacion cu e haña su mes aden. Nos ta desea Alicia masha pabien cu su 40 aniversario trahando den educacion.