Maestronan a entrega manifiesto na prome minister y cerca parlamento

Awe mainta sindicato di SIMAR y SEPPA conhuntamente cu nan maestronan a bay haci entrega di manifiesto na prome minister y na parlamento. Presidente di sindicato SIMAR, sra. Josephine Albertus a bisa cu e prome reunion un delegacion di Emmaschool a drenta pa papia cu prome minister.

Durante e reunion aki, sra. Albertus ta bisa cu nan entrega nan manifiesto y vocifera nan preocupacion ‘e reunion a bay bon’ awo cu prome minister tin e informacion di e maestronan. E ta bisa cu pa 9 maart e docentenan kier nan contesta positivo cu e cambionan di scol no ta bay door.

Pa sra. Albertus, e ta bisa cu no ta responsabel pa e cosnan aki pasa, tur cambio mester bay responsabel y profesional cu locual ta ehecuta. “E docentenan kier keda envolvi y no haci e parti di fisering di tal manera, mester tende di e esnan specialisa den enseñanza special pa nan por bin y duna nan informacion.”

Sra. Albertus ta bisa cu pa parlamento tambe por sa kico ta pasando cu henter e decision di minister di enseñanza. E ta bisa cu nan warda te cu 9 di maart. Sin embargo ta keda positivo cu nan a dialoga cu prome minister, mirando cu minister di enseñanza no ta haci esey ‘dialogo ta locual docente kier’.

Scol Ambiente felis, tambe a bin dilanti cu nan protesta pa asina mustra nan mal contento di MB cu mester a keda regla pa nan por haya nan Bashi Premie, pero ainda esaki no a keda cla. Nan a yega un acuerdo cu minister concerni pa formula esaki huridico pa por finalisa pa asina e docentenan por haya nan pago.

Sra. Albertus a bisa cu ta berdad cu no tur cos ta negativo, tin cambionan den scolnan manera e parti di inovacion cu a bay bon, cambionan cu a bin den sistema sinembargo tin foutnan cu ta keda pasa por ehempel e falta di comunicacion den e veld di enseñanza.

Entrego di manifiesto cerca presidente di parlamento

Despues di esey a haci entrega di manifiesto na presidente di parlamento di Aruba pa asina splica nan preocupacion di mal contento. Pa parlamento por sa kico ta pasando, mirando cu minister di enseñanza a bisa cu tin cu acerca nan.

Nan ta pidi un copia por escrito di kico ta e plan cu tin cu ambos locacion di scol cu kier pa bira un solo scol hunto. Nan kier sa cua ta instancia cu a tuma decision aki, cua departamento di gobierno y cu cua conseho. Anto ki garantia esaki tin cu lo tin exito.

Leave a Reply

Your email address will not be published.