Diahuebs 13 di mei (dia di Asuncion) Maria College MAVO a organisa un ‘Nature Obstacle Course’ pa alumnonan di Ciclo Avansa 2. E intencion tabata pa e alumnonan ‘recharge’ nan mente y curpa pa asina prepara pa cuminsa cu examen dialuna 17 di mei.
Docentenan di Maria College MAVO a forma un equipo bou nomber di MCM Hype Squad y a dicidi di acerca Gio Leocadia cu su ‘Reach Your Goal Foundation’ pa guia e programa di dia.
Alumno y docente a drenta Franse Pas yen di animo pa enfrenta e diferente obstaculonan cu mester a surpasa. Cada ‘challenge’ a representa e proceso cu e alumno mester pasa aden pa logra su metanan. Mester bisa cu e evento tabatin bon acogida bou di e alumno y docentenan. A enfoca riba trabou den equipo, salud mental, conoce naturalesa y historia di Aruba. E alumno y docentenan a disfruta plenamente di e experiencia.
Nos ta desea di gradici e equipo di ‘Reach Your Goal Foundation’ pa nan programa sublime, guia experto y bon preparacion. E mainta tabata next level.
Nos ta desea di gradici e siguiente sponsornan cu a contribui cu Maria College MAVO pa haci e mainta aki extra agradabel: Aruba Aloe Balm y Aruba Tourism Authority. Masha danki pa cuida nos di e rayonan di solo y pa yuda nos stima loke ta di nos.
Nos ta desea di gradici cada alumno y nan mayor pa nan participacion y cooperacion.
Boso a mustra un biaha mas boso resiliencia y bon vibes. Boso a haci e mainta aki inolvidabel. Nos ta spera cu boso wanta duro na e recuerdonan aki y uza tur loke boso a experencia como fuel di conocemento pa sigui padilanti.
Na nos docentenan dinamico un danki extra special, boso a yuda guia y anima e gruponan di hoben di un manera fantastico, anto riba boso dia liber !!!
Shout-outs na tur colega cu a uni nan mes na MCM Hype Squad y a haci e mainta aki posibel, sin boso no tin NOS:
Squad #1: Edmond de Cuba, Robert Figaroa, Rhadyn Croes.
Squad #2: Ninoushka Lopez Henriquez, Sue-Anne Solognier, Aimee Dirksz, Nadine Murray (Stagiaire NED), Maritza Koolman.
Squad #3: Romar Arendsz, Edward Franken, Catherine Ramirez, Natalie Richardson, Gyseth Arends, Sherry Douglas, Sharyl Maduro, Lisette Molenaar, Susette Besselink hunto cu su grupo ‘Get Fit and Dance with Susette’.
Un shout-out special ta bay pa juf. Ghislaine Hart (GH) cu a busca sponsors pa yuda proteha nos di e rayonan di solo, juf. Susy Tromp cu a sostene nos cu un ‘EHBO post’ riba e ruta, juf. Yazmira Tromp (YT) cu a sostene nos cu un ‘water post’ na comienso y final di e ruta y juf. Benita Ras (RB) cu a reenforsa e team durante e prome parti di e mainta.
Esaki tabata e prome salida di MCM Hype Squad. Nos ta satisfecho y ta spera cu den futuro nos por sigui presenta eventonan similar na nos alumnonan.
Un danki di curason den nomber di Comishon Actividad CA-2,
Juf. Dayenne Valdink (DV) + Juf. Jaci-Rose Stamper (ST)
Leave a Reply