Dia 18 di mei ta un fecha importante pa Tienda di Educacion. Nan ta cumpli nuebe aña di extistencia. Director di Tienda di Educacion, Rhomyko Winklaar ta duna un danki pa e sosten di comunidad di Aruba pa e guia cu nan ta duna.
Nan ta contento di tur trabou nan realisa, den duna servicio na mayornan, pa gesprek y charlanan cu ta organisa pa otro scolnan. Nan tin un rol importante den e area familiar, e pilar di e comunidad y con nan ta zorg pa e futuro generacion.
Nan meta ta pa lanta un comunidad, pa sostene y guia mayornan, educadornan. “Muchanan y hobennan no ta manera un articulo cu ta bin cu nan manual. Un individuo no ta bin cu manual, pero nan ta yuda duna conseho pa educador of mayor por bin cu solucion.
Pa locual ta retonan di problema social, nan ta keda yuda y informa. Nan ta keda pone videos riba nan plataforma den medionan social cu por yuda yega mas hende di e trabounan cu nan ta haci.
Plan di Tienda di Educacion ta pa ta mas activo, cu un grupo mas chikito nan lo keda brinda nan servicio. Pa e siguiente cuartal di aña nan lo cuminsa traha riba video pa pone riba nan plataforma di Facebook pa famianan por sigui esaki.
Pa finalisa, Winkaar ta bisa cu ta agradecido cu confiansa y sosten pa nan organisacion. Tambe a menciona Coorina Linssen pa lanta e organisacion y pa pone unda e ta actualmente. Na tur directiva y boluntario cu ta traha di curason pa yuda organisacion y bienestar den comunidad di Aruba. Pa cualkier pregunta of oido ‘nos tey pa yuda bo profesional’.
Leave a Reply