Presidente di sindicato SADA, sr. Edward Maduro a bisa cu nan a manda carta despues di dos siman cu a tene reunion cu prome minister, despues di a luna nan sin a sinta cu gobierno pa warda e proceso entre Aruba cu Hulanda.
“Ora cu nos a wak e agenda pa atende cu e uitvoering landspakket, nos kier wordo involucra”, e ta bisa. E ta menciona cu for di aña pasa april 2020, unda cu gobiernbo a ‘hisa benta impone riba ambtenaar’ sin cu tabatin un participacion real pa representa e ambtenaar.
E tabata pa escohe sin cu ta di acuerdo cu e sistema ey. Den situacion dificil, den nan caso nan no por a haci mucho ‘solamente guli manda abou’.
“Nos manera sindicato no por haci nada nos so, e miembronan ta stap pa atende cu gobierno ora cu situacion bira dificil y si no ti. back up directiva bo ta keda para bo so”, e ta bisa.
Maduro ta bisa cu mester respeta CAO di ambtenaar pa yega na un linea, esey no a psa cu miembronan cu tin varios punto gubernamental, nan lo prefera un participacion for di comienso cu lo forma parti di aparato publico.
E ta comparti cu no ta di awo cu rumor a cuminsa cu lo mester manda 1500 ambtenaar cas. Cada sindicato ta representa su miembro y nan interes. Nan kier involcra mirando cu ja caba tin rebaho den salario y kier participacion pa tin un idea.
Nan ta compronde cu tin pandemia y situacion dificil den sector priva. E ta bisa cu esey ta pa e dunado di trabou y trahado pa dialoga y bin na un solucion.
Di parti sindicato, nan ta spera cu nan haya oido y cosnan por cana miho. Pa nan por yega na un acuerdo y por bin cambio. Nan ta consciente cu tin afspraak haci caba cu Hulanda pero kier keda involcura pa gobierno su intencion ta.
Pa finalisa, Maduro ta bisa cu ta keda pa sindicato uni forsa, si den caso nan no por haci nada, ta keda na cada miembro pa asina dicidi y acerca sindicato. Sindicato SADA ta bay dilanti pa locual ta deseo y direccion di nan miembronan.
Leave a Reply