For di e comienso di pandemia riba 13 maart 2020, casonan di coronavirus a cuminsa. Di parti AZV nan a cuminsa monitorea diariamente pa locial ta trata e cuido medico den exterior. PR di AZV, sra. Solange Tchong ta comparti riba e situacion.
Manera ta conoci hopi biaha e cuido medico no por tuma luga na Aruba, pa e motibo aki nan mester a bay afo, pero mirando 2020 a bay cu frontera ta habri y cera, pais manera Colombia ta cera obligatorio.
Nan mester a bira y wak ki pashent nan por a laga den espera y cua pashent por a sali. Ora cu pandemia a cuminsa, nan a keda haya peticion pero esnan cu tin prioridad ta emergencia di bida y morto ‘malesa cu no por warda pa motibo cu estado ta avansa’.
Nan a logra yuda nan pa durante di e crisis. “No ta un tarea facil, pa motibo cu paisnan a pone nan mesun regla pa covid-19, test, mester cumpli cu rekisitonan.”
Nan ta keda duna informacion di cua tur pashent ta riba lista di espera pa asina nan por keda trankil te ora cu e situacion cambia. Manera nan sa awo Hulanda y Colombia nan ICU ta yen.
“E gran mayoria den ICU na ambos pais ta yen, e clinica cu nos ta traha cu nan. Nos tin periodo tras di lomba cu aprobacion pa haya tratamento pero mester pasenshi y comprension.”
Den tur esaki, ambos pais ta keda avisa mirando cu nan tambe ta confronta cu pais. AZV ta bisa cu nan por maneha te unda cu nan por, wak si tin opcion pa re-evalua pero ta pidi pa tur pashent keda calma.
Nan ta purba maneha e situacion di AZV, e ta dificil ora cu tin molester di malesa den pashent pero esey ta situacion mundial cu tin cu warda. Ta pidi pa pashent keda pendiente cu nan specialista pa monitorea.
Tambe di parti AZV nan lo keda splica pashent cu ta keda yama cu preocupacionnan, ta pidi pa hende keda come bon, haci movecion pa asina mantene e sistema di defensa mas saludabel, proteha condicion completo. Pa cualkier pashent cu inkietud por tuma contact cu nan, specialista of nan dokter di cas.
Leave a Reply