Desiree Helder di Director Interino di CBS ta bisa cu awe 3 di maart lo cuminsa cu CENSO, 74 tellers lo sali pa conta esnan cu no a keda conta ainda, esaki lo ta parti den dos siman y despues sigui te cu 31 di maart 2021.
E di dos fase di dos siman, e teller lo bay riba veld y na final di maart lo bay pa fase dos. “Na 2020 luna di october, november y parti di december nos a logra cu 83.000 persona, den veld tabata 51.000 persona y 31.000 persona online.”
Sra. Helder ta bisa cu ta agredecido cu esnan cu a coopera pa facilita nan trabou pero ainda falta pa conta tur hende na Aruba, ta pidi pa esnan cu no a participa por contribui na esaki.
E teller lo pasa na cas di persona cu nan uniform oranje, y tambe por cera acuerdo pa facilidad di e persona ora e ta cas of na trabou y preferibel orario tambe por bisa asina e teller por yega.
Nan ta premira cu lo keda cla cu Censo pa fin di maart y traha riba dato cu a colecta pa Juni pa por publica definitief y asina tur instancia y departamento di gobierno por tin e datonan actual.
Ta recorda cu pa nan trabou, secrecia ta keda importante ‘informacion ta keda confidencial’ ningun instancia di gobierno lo keda habri pa hende. E persona cu a teller tampoco tin derecho di duna informacion di hende ‘e ta esencial den nos training’.
Leave a Reply