Marjorie Vermeer, comerciante di caya grandi ta comparti riba preocupacion di caya grandi. Manera ta conoci, e area aki ta uno cu no tin mucho actividad. E ta bisa cu tempo a mustra con tur cos a bay cambia den caya grandi, por ehempel e uso di tram.
Sin embargo, sra. Vermeer ta bisa locual comerciante tin cu haci ta uni y traha hunto pa asina por trece bida bek den caya grandi, manera habri un caya permanente pa autonan pasa y core conhuntamente cu e tram, esey por trece mas animo pa hende cu kier baha na cierto luga pa cumpra algo.
Esey por motiva pa hende toch drenta caya. E ta bisa cu tin hende tin interes pa por sostene e tienda chikito, of cualkier restuarant cu tin. E ta bisa tambe comerciante tin cu ta creativo pa por atrae mas hende acer nan.
Un otro punto cu e ta menciona ta cu e parkeermeters ta algo cu a caba cu caya grandi tambe. Caminda tin vaknan gel bashi y persona ta para na e luga blanco, esey tambe ta crea frustracion di busca luga pa parkeer pa baha cana den caya grandi.
Sra. Vermeer ta bisa cu ta parce cu comerciante a manera give up y no por laga tur cos bay perdi. Un otro punto ta cu hend eta keha cu cosnan den caya grandi ta caro, sin embargo e ta bisa cu e huur tambe ta uno costoso dus pa e motibo ako ta caro tambe.
E ta bisa cu tin varios cosnan cu por cambia manera parkeermeters, laga e autonan pasa y pa baha huur asina por baha prijs y persona por tin acceso mas facil. tambe un security den caya grandi pa hende por sinti nan mes sigur, pero no mester laga e situacion keda bay asina.
Leave a Reply