Introduccion di uniform nobo pa Cuerpo Policial Aruba. Minister sr. Andin Bikker, a bisa cu e ta un momento historico despues di varios esfuerso pa por a yega na un decision final pa por logra obtene e uniform pa cuerpo policial. E ta bisa cu e material tabata necesario y cu ta den gobernacion pa cada departamento por a haya nan uniform nobo.
E mandatario ta bisa cu tabata un reto pa por cumpli cu tur departamento, pero importancia ta pa cumpli cu KPA mirando cu tin mas di 600 persona den dienst.
For di aña 1986 Cuerpo Policial Aruba ta usa e uniform policial cu tur conoce. E carson deftig color blou, e camisa blou of blanco cu manga cortico of manga largo y esey combina cu e petchi plat. Cu tempo a bin diferente sorto di uniform aserca cu diferente unidad policial ta uza awendia.
Pa motibo cu tin diferente variacion y combinacion di uniform den Cuerpo Policial a haci cu dia 29 maart 2016, mando policial di Cuerpo Policial Aruba a reuni hunto pa asina evalua y tuma un decision pa instala un comicion pa analisa y modernisa e uniform y imagen nobo di Cuerpo Policial Aruba.
Despues di diferente pruebanan y investigacion a resulta cu Cuerpo Policial Aruba ta cla pa introduci su imagen nobo di uniform entrante 15 maart 2021. Comunidad lo mira dos (2) diferente estilo di uniform cu patruyanan di diferente districto lo usa cu ta esun tradicional y operacional.
Un (1) e uniform tradicional cu comunidad conoce (carson blou cu camisa blou of blanco cu petchi plat).
E di dos (2) ta e uniform nobo di polis operacional (carson blou scur, polo blaou scur cu geel y un baseball cap). Comunidad por mira e cambio mesora entrante dialuna awo 15 di maart pa motibo cu e unidadnan manera surveillance Oranjestad, Noord, San Nicolas y Santa Cruz, unidad di trafico planificacion y investigacion, unidad motorisa y unidad canino (k-9 unit).
Esakinan ta e prome unidadnan cu lo usa e uniform nobo operacion y tradicional.Despues e otro departamentonan tambe lo haya e uniform operacional. Cu e introduccion di e uniform nobo aki ta yega na e decision cu tur otro uniform ta wordo saca for di servicio di Cuerpo Policial Aruba.
E mandatario a bisa cu despues di formalisa y saca analesis pa keda cla awo nan por bay den operacion. E ta agradeci tur esnan cu a haci nan maximo esfuerso pa logra esaki, y tambe na sindicato SPA cu a haci nan esfuerso durante e reto den e pandemia.
Alto Comisario, sra. Vanessa Tjon-Kock tambe a duna di conoce cu uniform ta uno mas practico y funcional. E ta bisa cu tabata un proceso largo cu investigacion cu mester a cana cune pa por yega na un decision final pa escohe e modelonan y introduci esaki.
Leave a Reply