Durante un reciente entrevista cu Bureau Rampenbestrijding, sr. Rino Hermans ta papia di e temporada di horcan den Caribe. E aña aki e temporada lo cuminsa na mei, y pa motibo di esaki mester cuminsa cu e preparacionnan di biaha.
Sr. Hermans ta bisa cu cada departamento tin nan seccion pa training, asina por maneha e capacidad y sigui haci uso di nan conocemento pa ora un horcan yega Caribe. BRA ta bezig ta dunando charla y cursonan na scol tur diaransaon y diahuebs.
Tambe ta duna den e sector hotelero pa e siguiente siman cu ta bin di april pa asina tine miho preparacion. Algo cu sr. Hermans ta remarca cu den ultimo aña pa motibo di pandemia, a pone tur otro risico ‘drumi’ lubida manera horcan tambe mester ta alerta.
“Aawo nos tin cu hisa bek e nivel y tene na cuenta cu situacion di tempo ta forma parti di nos bida diario. Den caso di horcan, nan ta duna nos 2 siman pa cuminsa activa e structuranan. Tin un pandemia pero tin otro factor cu mester tene cuenta y ahusta e plan”, e ta splica.
Ariba agenda nan tin cu adapta tur e preparacion pa 1 di mei conbina e pandemia cu otro puntonan di peliger pa e region y Aruba. E ta bisa cu Aruba ta keda un isla chikito y ta keda un preocupacion sin embargo ta trahando duro pa garantisa e siguridad di pueblo.
“Henter mundo a pone tur risico un banda pa pone enfoke riba coronavirus, pero esey no ta e unico risico cu ta ataca humanidad. Nos mester ta prepara den cas y famia. No ta pornada Hurricane Center a cambia. Nos ta premira cu tur isla lo activa prome cu 15 di mei 2021.
Leave a Reply