Director di ImSan, dr. Joel Rajnherc ta papia di desaroyo y retonan cu a tuma luga pa ImSan na 2020. E plan tabata pa prome april di 2020, nan lo tin e apertura oficial cu fiesta di expansion y renobacion sinembargo pa 13 di maart 2020 e prome casonan di coronavirus a yega Aruba.
Segun dr. Rajnherc, esey a cambia tur cos, pero nan trabou a sigui cu algun di trabou cu a keda interumpi temporalmente. Pa april 2020, e prome seccion di radioterapia. “Nos a bay poco poco pa wak con desaroyo pa sigui cu calidad halto cu kier obtene pa Aruba y nos ta JCO acredita.”
Pa fin di aña 2020, ImSan a yega 120 pashent cu a keda completamente trata na Aruba cu radioterapia. Pa maart 2021, nan a trata 146 pashent cu a keda cla cu full tratamento. Dr. Rajnherc ta bisa cu cada luna 20 pashent cu cancer ta keda trata cu radioterapia. Ta spera cu pa aña 240 pa 280 pashent cu ta local.
Sinembargo tambe ta conta pa otro isla Caribense cu lo haya tratamento tambe, manera 1 pashent di SABA cu a ricibi su tratamento na ImSan cu a keda hopi contento cu e resultado di e pashent. “Nos ta asina leu di por duna un servicio cu Baptist South Florida & Miami Cancer Institute.”
Tur pashent ta keda revisa conhuntamente cu Miami, no ta un dokter so pero un grupo pa 10 pa 15 oncologo cu tratamento cu nan por ricibi na nan cas Aruba ‘nos ta dunando e quality of care’. Locual ta contento ta cu e pashent no mester bay afo mas.
“Dos di nos pashent mester a bay afo pa motibo cu nan tabata caso avansa, no kiermen cu no por a duna tratamento aki pero tabata algo mas efectivo y adecua pa e pashent. Nos ta contento cu e fabrica su machine cu ta sofistica y ta cumpli cu e promesa”, dr. Rajnherc a bisa.
Leave a Reply