Director di DPL ta duna su contesta riba critica di persona cu ta solicita pa trabou

Ta conoci cu durante e ultimo temponan no tin mucho vacatura ta bin dilanti, pa e motibo aki Director sr. Ronny Irausquin di DPL (Departamento di Labor) ta contesta riba algun critica di persona cu ta bisa ta registra pero no ta haya ningun contesta.

E sistema di DPL ta tur diasabra nan ta update e lista di vacature cu nan haya den nan corant. Ora hende bay registra den e programa di DPL tin cu warda pa un doño di un trabou pone nan vacature di nan compania cerca DPL.

Sr. Irausquin ta bisa cu no ta algo cu nan mes ta pone riba corant zomaar, nos ta tende cu hende ta registra y no ta haya yamada of un contesta, pero situacion di no tin vacature ta haci’e dificil. “Ora hende solicita pa traha manera metselaar, pero e dunado di trabou tin vacature pa cleaner e ora, e ora e ta separa for di otro.”

E ta bisa cu actualmente no ta haya vacature di metselaar pero si di cleaner. Anto pa persona cu ta interesa den e parti di cleaner pero no ta haya un contesta, e ta bisa cu ta importante pa persona keda yama e compania y no keda warda pa DPL.

Sr. Irausquin ta bisa cu mester wak con ta bay evalua pa motibo cu si un persona yena informacion pa metselaar, e nomber no ta bay sali pa otro tipo di trabounan cu si por bin dilanti y e persona lo ta interesa.

Pa e motibo aki e ta enfatisa pa ora un persona yena e informacion, por yena e funcion cu e ta desea pero no mester ta specificamente un so, e por pidi mas via e website pa e persona por obtene un trabou mas lihe.

Un otro punto cu sr. Irausquin ta menciona ta cu persona tin keho (y comentario) di ora un trabou sali ta cu nan no kier traha anochi, of no ta un luga cu no ta di nan agrado, nan no kier traha weekend. Nan ta desea un trabou di 8am pa 4pm, orario di oficina of traha den gobierno.

Anto e comentario nan aki ta pone cu hende no ta bay e trabou pa motibo cu tin diferente shift. Tambe ta bisa cu nan no por haci e trabou cu e compania ta pidi p’e. Sin embargo e ta bisa cu e trabounan aki ta siña den e mesun area di trabou y con e ta cera den otro.

“Nos sa cu nos no ta perfecto pero ta berdad si cu nos ta yama hende pero nan no ta tuma e trabou. No tin mucho vacature, esnan cu mas ta bin dilanti ta cleaner. Por bisa si cu ta bay bin proyecto di construccion pero ban warda con esey ta bay pa anuncia.

Pa finalisa sr. Irausquin ta bisa cu proyecto cu bin dilanti, por lanta bek y pa nos mes comporta nos mes pa asina e situacion mehora y pa tene na cuenta cu e vacature cu drenta tur diasabra.

Leave a Reply

Your email address will not be published.