Departamento di DTI ta pidi pa tur esnan cu tin afspraak pa bay keur auto pa por fabor haci autonan limpi den e parti paden y desinfecta esaki prome cu pasa bay na e departamento. Si nan ta tuma nota cu esaki no ta bon, e ora lo pidi persona pa bay haci e auto limpi of cambia afspraak.
Sr. Franse di DTI ta informa cu tambe ta importante pa prome cu e proceso di keur, pa cada persona por check of haci control di nan mesun lus of wak kico por tin robes antes cu asisti na e departamento asina no perde tempo cu e keur no bay bon y tin cu haci otro afspraak.
Un otro detaye cu e ta informa ta tocante autonan RHD (right hand drive) cu nan ta pasa e proceso di keur normal. “No tin nada den ley cu ta bisa cu nos no mag controla, dus nos ta controla lus y brik. Ta bisa si cu prome cu pasa keur por bay na un mecanico pa asina controla otro cosnan di machine di auto RHD.”
Ta corda tur hende cu autonan di menos cu 3 aña ta haya vrijstelling di keur pero esnan cu poasa e tres aña mester pidi nan afspraak. Tin algun cu ta prefera di keur prome cu nan tempo, pa motibo cu por bin cualkier fayo y kier sa prome cu tempo.
Leave a Reply