Ta spera cu pa luna di april por yega na un 50.000 turista pa Aruba

CEO di ATA (Aruba Tourism Authority) sra. Ronella Croes ta duna un splicacion amplio di e con a bay cu turismo na Aruba pa e prome tres luna pa aña 2021 y tambe riba rumornan di cancelacion di vuelonan. E ta splica cu den comparacion cu 2019, (e aña cu ainda e turismo no a keda afecta) nan a saca tres scenario pa aña 2021 pa con turismo por cana bay den e prome cuartal.

E tres scenario di recuperacion ta scenario conservativo di 45%, e scenario di optimismo cauteloso di 55% y scenario optimista cu ta 60% esaki den comparacion cu e turismo cu a ricibi na 2019. Segun sra. Croes, te ainda no tin un resultado di e prome tres luna pero si por bisa cu ta premira tabata abou di e resultado cu tabatin.

Na maart, e tabata e conservativo pero por bisa cu por ta cerando e aña cu e scenario conservativo di 45%. Por bisa cu maart lo a cera un 45.000. pa 50.000 bishitante pa Aruba. Pa april por yega na un 50.000. Sra. Croes ta bisa cu pa e di dos cuartal ta riba e mesun tres scenario pero ta riba e parti optimista mirando e proyeccion di asiento di aereo y hotel cu ta bende na Aruba.

Pa e luna benidoro cu ta april y juni, e ta mustra fuerte segun sra. Croes, na e luna di mei mester keda pusha. E ta keda un reto pa e otro mercado cu no ta Merca, manera Latinoamerica cu tin restriccion di biahe y tambe e mercado cera cu Brasil.

E mercado Europeo tambe ta un reto mirando cu Hulanda tin conseho pa no efectua ningun biahe internacional si no ta pa motibo esencial, pero esey lo cambia pa dia 14 di mei depende di e maneho di nan gobierno. Tambe tin e mercado di Inglatera cu nan restriccion y keda pendiente cu e maneho pa biahe internacional.

Mescos ta conta pa aerolinea di Canada cu ta keda warda riba e maneho. E ta bisa cu e situacion di Canada ta cu nan cu restriccion pa asina no transmiti e virus. E t abisa cu CDC na Merca lo sigui lansa un guia pa esnan cu kier vacuna pa e regla di biahe y tips.

Pa Aruba y otro pais internacional mester sigui regla di entrada di cada pais, manera pa Aruba pa drenta a pesar di ta vacuna, mester test y resultado mester ta negativo. Ta tratando si riba e maneho y rekisito pa esnan cu ta vacuna, pero te awo e maneho ta mescos pa tur keda test.

“Nos maneho ta mara na proteccion di nos hendenan, mas hende keda protehi y ta keda pidi pa persona vacuna pa asina por suavisa e maneho di entrada. E ora por yega na punto cu esnan cu drenta y ta vacuna no mester haci test ora di entrada”, e ta splica.

Leave a Reply

Your email address will not be published.