Meta pa sigui crece den industria di crucero

CEO di ATA (Aruba Tourism Authority) sra. Ronella Croes ta duna un splicacion riba locual ta trata e turismo pa crucero. Mirando cu tin un pa juni, Aruba lo por spera e prome crucero for di momento cu pandemia a cuminsa aña pasa.

Sra. croes ta bisa cu e reglanan pa turismo di crucero ta keda mescos, e ta mesun varia manera turismo cu ta drenta via avion. Esaki ta a tres scenario di cautelosamente optimista, optimista conservativo y optimista. Ta keda conservativo pa e turismo di crucero awo cu e anuncio recientemente cu itenerario di Celebrity Cruise lines cu a bisa cu entrante juni lo cuminsa activa.

E ta bisa cu nan ta sigui traha mas posibel pa atrae e mercado di crucero, nan ta keda den reunion constantemente pa wak si tin mas anuncio pa e industria di crucero y nan linea di crucero cu ta interesa pa drenta bek den accion bou di tur protocol.

Manera CDC na Merca a bisa cu nan lo pone atencion pa protocol di turismo di crucero pa a area di Merca y cua linea di crucero lo opera y reanuda nan servicio den caribe. Ta keda regla cu cada huesped y trahado cu drenta barco mester ta vacuna (18 aña bay ariba).

Pa Aruba, cada crucero lo conta cu mita di nan capacidad, un 1200 bishitante abordo pa cada dos siman. Esaki lo ta e inicio den e mundo di barco y nan lo wak con esaki ta bay. Nan meta ta pa sigui crece den industria aki, por wak cu cada medida cu introduci por causa impacto y cancelacion.

Pa finalisa sra. Croes ta bisa awe den temporada nos a tuma nota di con fragil nos turismo ta y con nos a sintie den tur forma, pa e motibo ta pidi pa un bon comportacion den comunidad, e parti di vacuna cu ta importante sin embargo ta respeta tur hende nan escohendia pero importante pa realisa mas lihe e proceso, mas lihe e recuperacion economico ta bay.

Leave a Reply

Your email address will not be published.