AHATA: Ta wak progreso den turismo pero mester keda pendiente di reglanan cu implementa

Director di AHATA, sra. Tisa La Sorte ta bisa cu e aña a drenta cu optimismo sin embargo na Merca, CDC a introduci e regla di cu mester test PCR pa por bay Merca bek anto esey a dal duro cu a pone cu a baha reservacion un poco riba turismo.

Mirando e pandemia, e ta bira un roller coaster, no ta sigur con e ta bay, pero por a mira cu luna di april ta bay bon, tabatin bon reservacion pa easter. Ora nan papia di bon, ta den comparacion cu aña 2020.

“Nos ta wak progreso, sin embargo ora nos a wak e wave di covid-19 na Aruba anto mester a implementa medida pa controla e virus. Nos por a wak un pauze den reservacion”, e ta splica.

Turismo ta keda pendiente di medida y regla pa wak di nan ta dicidi di biaha. Sin embargo den horeca ta keda organisa nan mes pa asina ta bon prepara den tur locual ta trata medida cu hygiene.

Ta keda bisa tur trahado di horeca pa cuida nan mes y tuma tur precuacion, manera keda mantene distancia, uso di mask y tur ortro regla cu tin. “Nos tur tin e responsabilidad pa cumpli cu e reglanan cu tin.”

E ta bisa cu nan ta keda coordina y ta den bon contacto cu otro pa asina ta keda bon prepara. Pa locual ta vacuna pa sector di horeca, e ta keda un decision propio pero si e bay mas lihe posibel pa hende registra e ta mas facil pa proteccion di nos hende nan y cu esnan cu vacuna mester tene na cuenta cu tin cu keda cumpli cu reglanan.

Leave a Reply

Your email address will not be published.