Mester wak segun maneho y situacion si persona ta bin na remarke pa permiso

Durante un reciente entrevista cu PR di DIMAS, sra. Marilyn Wout pa asina e comparti riba peticion di permiso y kende ta esnan cu ta cay pa aplica pa cierto permiso pa keda na Aruba.

Mirando e situacion economico y laboral, no tin suficiente trabou pa tur persona, con ta para pa esnan cu mester aplica pa nan permiso. Sra. Wout ta bisa cu mester ta consciente cu cada persona ora cu haci peticion pa permiso.

Nan ta otorga permiso pa un aña, cada permiso tin nan meta di estadia, pa e motibo aki un permiso laboral di un aña mester keda renoba y cumpli cu rekisito cu ta mara na dje, ora cu hende perde nan trabou, no cay den e rekisito.

Sin embargo mester wak segun e maneho unda e persona ta bin na remarke p’e, pa e wak cua sorto di permiso, den caso cu esey no ta e caso e mester regresa na su pais bek te ora cu cosnan cambia na Aruba y por regresa bek.

Sra. Wout ta splica cu cada caso ta diferente, y ta depende den cada un di nan ki permiso of documento di estadia e persona mester di dje. Un persona cu su pareha tin nacionalidad hulandes of firma liber por wak si por firma pero mester wak e persona su caso.

Leave a Reply

Your email address will not be published.