Director di AHATA, sra. Tisa La Sorte ta comparti den un entrevista cu e plan y retonan pa 2021, ta enfoca riba recuperacion, sin embargo nan ta riba un ‘survival mode’ y ta dificil pa pensa mas leu.
Sin embargo di parti AHATA nan ta keda optimista y ta sigui adapta durante e aña. Pandemia a pone cu cada miembro mester a bay mas riba tecnologia, test center na hotel, keda adapta tur cos pa turismo y cliente nobo anto tur esey tabata idea nobo pa adapta.
Cu e crisis actual a pone cu mayoria a bay mas den e parti innovacion. E ta bisa cu toch cu e crisis nan kier maneha cada turista cu ta bin Aruba y pa nan ta importante e parti di calidad en bes cu cantidad ‘plan concreto pa esey’.
Tambe ta remarca tocante e tema caminda tin camber of apartment, Airbnb cu ta ofrece nan producto pa turista, e ta bisa cu cada turista tin preferencia unda nan ta dicidi di keda, por bisa cu nan ta keda boga pa tur persona cu tin producto pa ofrece estadia pa turista paga impuesto igual cu un hotel ta haci ‘ta falta un reforma di ley cu ta controla e sector ey’.
Di e forma aki, e sector cu tambe ta brinda nan servicio pa turismo por contribui na e budget y paga nan belasting manera tur otro. Sin embargo di parti AHATA nan ta pensando con por yega na un aña completo sin cu perde placa.
Cu kier sigura cada miembro y compania cu ta depende di turismo pa nan por keda sobrebibi. Caminda ta keda menciona e reforma y acuerdo di condicion cu Hulanda pa fiansa.
Pa locual ta trata renobacion y projectonan nobo di hotel. E ta bisa cu tin algun projecto manera Embassy Suites Radisson Blue cu lo tin nan prome guest, St. Regis cu ta cuminsa contrsuccion e aña aki. Sra. La Sorte ta bisa cu ta keda positivo pero tin cu keda tin e virus bou control y conta cu recuperacion gradual pero consistente.
Leave a Reply