Manera ta conoci DIP ta bezig ta parti tereno di peticion cu tabata drenta den ultimo añanan. Nan tabata bezig cu aña 2012. Sinembargo ora cu pandemia a yega a pone cu hende cu tabatin reservering a pidi pa ‘hold’ y wanta e peticion pa motibo di situacion cu ta pasando aden.
Director di DIP, sr. Haime Croes ta bisa cu nan a wanta e reservering pa un aña, pero awo no por keda wanta mas. Nan a duna un rosea pa hende por wak con por a yega na solucion pero awo nan tin mas hende den rij cu tambe ta wardando pa tereno.
Sr. Croes ta bisa cu nan lo duna chens te cu 1 di juni, si esnan cu no logra e ora lo mester pasa pa e siguiente cu ta wardando ‘esey ta e proceso cu ta tene bo man’. For di basta tempo por a tuma nota con ta bay para ora cu tereno caba pa e futuro.
E ta contesta cu un tempo tabatin e facilidad unda cu tabata yega pone cas, sin embargo Aruba no ta crece mas, e aspecto di migracion a crece y ta haci analesis pa locual ta trata e poblacion.
Tin un pronostico cu den 10 aña, Aruba lo yega un 135.000 hende of 145.000 hende. Esey ta pone cu tin diferente scenario. Sr. Croes a bisa cu a bay wak cuanto tereno tin disponibel automaticamente na un forma duradero y e manera cu a yega mas lihe ta esun di bay ariba.
E importante ta cu hende toch lo por tun nan cas cu nan por kies den e units, mirando cu no tin tereno. Pa area di San Nicolas, tin tereno habri pero mester ta e tipo di casnan cu ta importante pa futuro di Aruba.
Sr. Croes ta bisa cu pa persona cu lo kier traha nan cas of e pensamento di tereno mester cambia na un otro manera di pensa. Tambe cu e projecto aki, lo tin e mesun proceso cu ora di pidi un tereno. Nan ta analisa e lista, e entrada di persona pa forsa financiero y di eynan ta bin na remarke pa tipo di vivienda cu ta cay den projecto ey.
Leave a Reply