Sergeant Rayron Thiel, kende ta mentor di e grupo di formacion social SVT caminda e ta comparti cu tin 21 hoben cu ta siguiendo e trajecto. “Nos a cuminsa na maart caminda 24 hoben a cuminsa, un lastia cu tres di nan a cay afo.”
Den caso cu hoben perde motivacion of e cambionan ta bira un reto pa nan, sr. Thiel ta bisa cu ta keda motiva e grupo. E ta un cambio cu cada hoben mester adapta nan mes na e medida y reglanan cu tin.
E ta splica cu hopi di e hobennan aki no ta custuma na un sistema di lanta trempan, no tin hende cu ta keda constant nan tras, anto nan ta ripara cu e opleiding no ta pa nan y tampoco no kier e motivacion.
Sinembargo e ta bisa cu toch den e tiki tempo, nan por siña algo cu nan por bay bek cas cune. Awo nan ta bayendo pa 3 luna cu e grupo di 21 hoben. “Nan ta hoben motiva y awo nan ta den e fase cu ta mustrando e preparacion pa yega trabou despues di opleiding.”
Un otro punto cu e ta menciona tin interes den algun di hoben cu kier sigui e trajecto pa asina forma parti di Arumil, pero algun di nan no a caba e niveau di scol necesario pa nan por drenta. E ta bisa cu nan ta kedando cla cu nan estudio pa asina por warda test pa por sigui e opleiding na Curaçao.
“Tin un bon resultado cu esey, pero tambe nos ta keda prepara nan pa asina nan ta cla y bon prepara den comunidad”, e ta bisa.
Leave a Reply