A tene un entevista psicologo Roberto Leal kende a papia tocante e problemanan di divorcio y consecuencianan cu esaki ta trece pa e muchanan, hobennan y adulto.
Leal tin 38 aña trahando manera psycholoog.Un di topiconan cu a puntra sr. Leal ta efectonan di muchanan, hoben y adulto ora tin divorcio na un cas.
El a cuminsa splica cu e porcentahe ta ‘uno hopi grandi y grabe’. E ta bisa cu mas di 50% ta wordo determina pa legalidad paso e pareha ta casa. Pero tin estadistica cu esnan cu no ta casa tambe tin un separacion grandi, tin un 70%.
E problemanan cu e situacion aki ta afecta muchanan of hoben den e parti social ta cu nan por bay den malo caminda e ta cuminsa na cas ora cu famia, e mayornan no ta duna nan e atencion. E problemanan cu ta confronta cu ne.
Sr. Leal ta splica cu ora mayornan ta divorcia, ta depende e karakter di e mucha. Cuanto cada un di nan ta pega na cual mayor ‘e por ta e tata of e mama’.
E ta splica cu si un persona tin un structura mas friu por maneha un separacion di un miho manera. Pero den caso cu e persona tin un structura mas afectivo e situacion ‘ta dal bo mas fuerte’. E ta agrega cu esaki ta realidad pa muchanan, hoben y adulto.
E structura di personalidad ta den desaroyo du cada persona. E ta bisa cu mester tene na cuenta cu tin biaha hende ta bisa un divorcio ta afecta tur mucha mescos anto ‘esey no ta bera’. E por ta berdad pero no riba e mesun nivel.
Leal ta bisa cu ora e mama cu tata separa tin un separacion unda cu e mucha ta tume dependiendo di edad pero mayoria di biaha e ta den su infancia prome cu 7 aña, e muchanan aki ta tume manera un abandono. “Nan no tin e comprension di locual di locual kiermen un separacion di mayornan.”
Segun Leal, e frase di ‘abo a lagami, abo a bandonami’ ta sosode. E ta fuerte e ta splica ora cu e tata no ta duna importancia anto si e ta biba. “Den caso cu e tata of e mama ta constant cu e mucha, of nan ta topa cu nan mayornan cada rato, e ora e ta bira menos complica. E realidad cu mama y tata a divorcia pero nan ta keda e mayornan di e muchanan y esey no ta cambia.”
E hecho cu un di mayornan no ta presente na e cas ta un golpi duro mirando cu awo nan ta mira nan pa solamente un paar dia. E no tin acceso na nan mayornan na velocidad halto y mas si e mucha tabata pega na e mayor cu a move.
E mihor cu por tin Leal ta bisa pa cualkier mayor cu a bay for di cas keda topa nan yiunan mas biaha pa siman of ora nan hiba scol. E importante ta pa no kibra e relacion cu bo yiunan. Ni hasta si un di persona haya un pareha nobo y ta construi un famia pero corda e famia cu tabata tey caba pero e proceso ta cana poco poco.
Sinembargo e calidad di e conexion cu un di mayor ta duna e tiki momento ey por ta mas halto di locual e mayor cu a keda na cas ta duna. Esaki por pasa, no ta suficiente cu un persona ta presente pero no ta haci presencia.
Pa e motibo ey ta topa constantemente cu hopi mucha cu nan mama no ta traha, nan ta na cas cu nan yiu pero no ta garantisa cu e yiu lo tin un miho nivel di conducta cu diferencia na un mama cu si ta traha pero ora ta bin cas ta dune ‘un calidad di conexion’.
E ta bisa cu e no kier mantene e palabra divorcio den hecho legal of hecho di separacion. E situacion di un mucha ora cu un di su mayor bay biba na otro lugar. E condicion mi ta wak di conducta den mucha di berdad mi ta wak den mayornan divorcia, pero tambe mayornan cu ta eynan constantemente cu nan yiu ta mescos. No ta paso bo ta presente pero e presencia no ta real, nada no ta pasa.
Leave a Reply