ATHA (Asociacion Trabou di Hubentud Aruba) lo inicia nan projecto pa despues di scol. Despues di varios preparacion, sondeo di informacion di tratado pa derecho di mucha, y rapport a finalisa e programa despues di scol.
Directora ATHA, Cyndi Kelly- Mathilda ta comparti cu a wak e necesidad pa programa despues di scol, nan a wak reaccion positivo ora cu a sinta cu diferente organisacion y departamento social pa bin cu algo despues di scol, nan haya cooperacion di CEDE Aruba pa asina hinca e programa den otro.
Nan a crea e mision y vision pa asina crea e meta y trece punto di experiencia di diferente programa den pasado. Nan a traha duro pa yega na fondo necesario di diferente instancia cu a coopera pa nan.
Di e forma aki GEN297 a lanta pa di dialuna pa diabierna na Centro di bario Brazil, pa hoben di scol secundario (SPO, EPB, MAVO, HAVO, VWO)por yega despues di scol, e hoben tin su momento pa combersa, ts social y ricibi cuminda cayente. Nan ta pidi contribucion di 125fl pa luna cuminsando na juni (mirando luna di mei ta cortico ta pidi 60fl)
E programa lo tin un duracion di un aña pa wak con e pilot projecto ta bay y si por sigui cune pa mas largo. Nan a haya conseho di EDU Care Foundation na Los Angeles, nan tin hopi experiencia trahando cu programa asina y sa con pa hinca programa asina den otro.
Sra. Kelly-Mathilda ta bisa cu e deseo pa un programa despues di scol y nan lo wak co e ta draai, nan lo tende e deseonan/ideanan di e hoben y purba busca un manera pa trece esey den nan programa. Di e forma aki e hoben tambe ta involucra den e programa.
Tambe lo conta cu trahado boluntario hoben, cu por compronde e necesidad di e hoben tambe y duna guianasa di hoben pa hoben. Lo tin boluntario adulto pa duna sosten cu por duna guia na e hoben.
Franchesca Heinze Regio Manager di Gen297 y Timothy Lake, kende ta groepsbegeleider ta encurasha pa hoben drenta den e programa cu lo por trece impacto den e hoben su bida y cu nan tin fondo pa haci e projecto aki posibel.
E hoben ta yega despues di scol, e ta haci su tarea di scol, tin diferente actividad di deporte, e ta ricibi su caminda cayente y sigui cu e programacion. Nan ta conta cu diferente departamento di deporte manera IBISA y Arubaanse Muziek School cu lo forma parti di e programa.
Pa finalisa, nan ta bisa cu ta compronde e situacion tabata uno dificil y algun mayornan no lo por haya fondo pa cubri esaki. Nan di ATHA ta bezig cu diferente compania pa wak posibilidad di adopcion di un hoben den area social cu por cubri e hoben pa luna.
Leave a Reply