Pa e ultimo añanan, gobienro ta yuda cu sosten financiero pa muchanan y hobennan entre 3 pa 24 aña di edad cu ta acudi na un scol of educacion durante dia. E yudansa financiero ta algo cu gobierno ta haci necesario tur aña pero cu no ta hancra den ley, e ta parti den dos parti e schooluitkering cu ta haya cash pa contribucion di mayornan y ayudo directamente cu scol.
“E ayudo extra ta consisti di dos parti di cual uno ta e school uitkering cu e persona ta haya cash hunto cu e pago di bijstand di luna di september. E ouderlijke bijdrage ta wordo paga directamente na e scol”, Jesseline Soto Garcia- Kelly, relacionista publico di Departamento di Asuntonan Social, a splica.
Personanan adulto cu ta sigui un estudio den dia, por haci un peticion, tur aña di nobo, pa haya un ayudo financiero. Esaki ta algo cu ta existi pa hopi aña caba.Esaki ta un ayudo extra pa tur esnan di entre 3 y 24 cu ta haya bijstand y ta acudi na un enseñanza regular durante dia.
E persona mester ta biba cerca e mayor y ta haya e “kinderbijlage” di 250 florin tu luna.Normalmente ta yuda tur aña entre 800 y 850 mucha cu ta mas o menos 525 famia. E grupo di mas grandi cu ta haya e ayudo aki ta di San Nicolas, Savaneta y Noord. E suma ta pa yuda mayornan cumpli material di scol pa muchanan. E ta 250 florin pa cada mucha cu un maximo di 800 florin pa un famia.
Riba e prome dia di scol ta haya e formulario na e scol di su yiu y ta entrega esaki cu copia di carnet di su bijstand na Departamento Social.E aña’ki e cantidad di bijstand a subi drasticamente y probablemente e cantidad di muchanan cu ta haya e ayudo extra aki lo aumenta tambe.
Ta pidi si pa ora di entrega tur informacion cuadra cu e informacion cu departamento DAS tin. Nan ta haci suplica cu tur cambio cu ser haci por informa nan departamento pa evita cu proceso tarda mas cu lo normal. Pa mas informacion por tuma contacto cu Dept di DAS na info.DAS.aw
Leave a Reply