Dentista: specialista cu ta keda falsifica diploma y test no ta haci nada pa stop e

For di basta tempo, dentista Hendrik Marsman ta bin dilanti pa expresa su mal conento riba specialista Kawaiah, kende tin su consultorio y con e specialista ta keda falsifica su documentonan, test di Covid-19 y diploma anto DVG ni minister di salubridad ta stop ‘ta lag’e sigui opera.

Segun Marsman, e ta bisa cu e ultimo documento cu el a falsifica ta e test di Covid-19 caminda ora cu el a yega aeropuerto a wak e code, sinembargo nan a laga e specialista gewoon sigui sali y bay su cas. For di basta tempo Marsman ta keda ta vocal riba e asunto pero ningun hende concerni ta duna atencion y ta prefera keda keto.

“E no tin respect pa autoridad, e meneer ta haciendo cosnan ilegal y nos no ta haya oido di nos gobernantenan. A bira tempo pa nos respeta nos ciudadanonan, esnan cu ta profesional y local, nos gobernante ta keda trapa riba nan”, e ta expresa.

E ta bisa cu no ta tuma accion, y te dia di awe cu el a entrega keho nada no a ser haci pa e caso aki. E ta bisa pa esnan cu gana den eleccion benidero pa structura e leynan di nos pais. “Tin profesional local cu tin aña ta warda pa eherce den nna carera manera dentista, ningun minister a yuda nan, pa nan establece nan mes na nan cas.”

Leave a Reply

Your email address will not be published.