Coordinador di Fundacion Cas Maria, Lisette Does, ta elabora riba e malesa dementia y ken tur por sufri di e malesa aki. Na Aruba un cifra dificil mirando cu no tur ora hende ta controla na dokter.
Na centro di memoria tin persona cu 50 aña di edad cu ta constata na Aruba cu dementia. Sinembargo e ta bisa cu por tin mas di esnan cu ta hoben di edad pero no ta bay ‘meld aan pa haci un test’ of famia ta keda bisa cu e familiar ta cansa di mente.
E ta splica cu tin hopi den e factor den cultura Arubiano, unda e ta kere cu no ta facil di cu un yiu ta bisa nan mama of tata pa hiba nan dokter pa control. Pa motibo cu tin miedo cu topa cu realidad.
Sinembargo ta miho topa cu e realidad lihe, unda cu e pashent por acepta y biba miho cune. Nan por tin conocemento di cosnan prome cu e malesa yega asina leu. Tin mas di 50 dementia. Tambe ta existi dementia frontal, cu pa Does no tabata conoci pero un pashent tabata tin’e.
Un di e problema mas grandi cu tin, ta cu no tin suficiente espacio pa hende cu dementia atende. Does ta splica cu tin un lista di espera. Sinembargo esey ta crea un problema pa motibo cu nan tin cu warda, anto ora un persona di e grupo fayece, e ora e pashent cu a keda warda ya e malesa ta mucho avansa.
E bedoeling di e fundacion ta pa e cada cliente sinti nan mes na cas. Unda nan tin e libertad pa socialisa entre nan mes. Cada persona tin diferente sorto di dementia pero ‘toch entre nan mes bo no ta ripara pasobra nan ta costuma cu otro’.
Pa henter e dia nan tin actividad cu e begeleider ta zorg pa siman nan tin un programa hinca den otro pa asina presenta na cliente y nan por participa. Does ta splica cu ta importante pa tin movecion di curpa manera gymnastiek pa mantene e curpa intacto y den bon condicion.
Nan ta bin cu activdad pa keda purba di train e celebro. “Nos no por kita e dementia pero nos por keda haci ehercisio pa nan recorda constante of purba siña cosnan ainda pa nan por tin bida mas placentero”, Does ta expresa.
Leave a Reply