Serlimar pa basta ocacion a tuma e stap di aanmaning pa encurasha persona pa paga nan suma, nan ta duna oportundidad pa 31 di augustus, pero si no a haya ningun reaccion di areglo di pago pa september, Serlimar lo pasa piki tur container di sushi y cancela nan servicio.
Nan ta haya cu esaki ta e manera pa hende por ta mas responsabel, mirando cu hende no a cumpli for di 2019, nan a yega na un 30%, pero esey no ta mucho y 2020 a compronde tocante e pandemia y afecta hopi hende. Nan a purba yega na email of areglo di pago, pero Serlimar no por carga e situacion asina mas.
“Nos sa cu pandemia a hunga un rol pero pa yega un acuerdo por manda email na info@serlimar.com pa paga 25 florin pa luna of 50 florin pa yega na full e suma. Si no tende nada pa 31 di augustus, pa september nos lo tuma accion di recoge container na cas. Nos operacion a cambia, nos a keda duna servicio tur luna. Nos a duna te unda cu nos por y kier pa hende coopera cu nos, e ta mescos cu Elmar of WEB si no paga pa servicio, nan ta kit’e, di e forma ey nos ta conscientisa”, departamento di marketing a bisa.
Leave a Reply