Den un reciente entrevista cu psicologo Robert Leal a splica e diferencia ora un persona ta cay den depression of e persona ta bipolar. Kico esey ta afecta den un persona su celebro.
Un persona cu ta bipolar tin su cambio di animo cu ta bin den diferente manera. Un dia e por ta felis, e siguiente e ta tristo. Sinembargo Leal ta splica cu un persona cu ta bipolar anto ta tende stem, no necesariamente e persona ta sufri psichzofrenia, maniac of depresivo.
Depende e grado cu e persona, tin medicamento cu ta trata pa persona cu ta bipolar, aunke no ta conoci cu tin un cura. E ta depende den e grado cu e persona tine tambe por tin terapia of ota manera pa trata cu e bipolaridad.
Pa locual ta trata den depression. Tin caso di persona cu no a cay den depression pero ta drenta depression. E persona sea hoben of adulto por cay den un tristeza fuerte. Un dolor profundo cu arepentimiento, dependiendo tambe e motibo. Pa ambos, sr. Leal ta bisa cu tin den practica pa haci un terapia interno cu e personanan aki.
Sinembargo e ta bisa cu ta trata di e sistema di animo biokimico cu persona tin anto ta bay na e sistema nervioso. “Trata di purba modifica un poco creencia. E por ta cu nos no ta bay kita e problema pero hacie mas bunita. Nos ta traha cu esey. Pa por yuda e persona tin un intepretacion realistico mas optimal. Intepreta cu e miho nivel di calidad.”
Segun Leal ta bisa cu tin cu yuda e curpa pa relaha y pone menos tension posibel tanten e sistema biokimico ta andando. “E ta mara na e parti di spier di e musculo cu mester mantene stabiel, mi semper ta bisa pa persona descansa mas, cu e persona falta di drumi pa ta active pa asina no colapsa.”
Cambia e sistema di creencia anto e cabes mucho biaha ta duro y mester tin un manera fiho pa wak e cosnan. E ta agrega cu mester tin conocemento anto experiencia.
E ta remarca si cu ta trata cune pa asina e persona por tin su recuperacion. Un conseho pa persona cu tin stress ta pa busca un hobby asina entretene, tecnica di hala rosea, un actividad fisico. Di e manera ey e persona no yega na e punto pa problema mental.
Sinembargo e problema sr. Leal ta bisa ta cultural. Hende no kier manda nan yiu of adulto mes pa un psicologo pa motibo cu ta pa hende loco. Agregando cu mester cambia e sistema di creencia. “Tin un poder den nos cultura. Pero e tin su maneho.”
Leave a Reply