Monique Giel Labad, verpleegkunde tiener consulent di Wit Gele Kruis a duna splicacion den situacion di hoben ta crece den maltrato of abuso y cuanto caso registra di violacion tin. Segun Giel Labad, e cifra di Wit Gele Kris Na 2018 nan tabatin 72 mama hoben cu a haya yiu. Nan ta contento cu e cifra sinemabrgo ta alarmante pa nan e situacion cu nan haya nan aden.

Tin e situacion cu si nan ta abuso sexua l, tin algun cu ta tene relacion iresponsabel. E ta esnan registra na 2018 ta 60% ta pasa cu abuso sexual. No cu nan a sali na estado pero a pasa durante ora nan tabata mucha.

El a menciona cu den caso  den edad di 6 pa 10 aña nan tabata conoce abuso y tene relacion forsa prome cu tin relacion normal. Caso cu pasa den abuso sexual ta muchanan cu ta Sali na estado cu 13,14, 15 y a wordo abusa cu 6 pa 10 aña pero ora nan drenta pubertad, nan ta topa cu e mucha homber.

Pa motibo cu ainda nan ta trauma di abuso, pasobra nan ta ripara di e abuso ora nan bira mas grandi ‘nan ta mira cu no ta algo normal’ e hoben ta cay den depresion y stress. Cu ta ocaciona cu e prome cu pasa su dilanti y dun’e atencion, e ta cay p’e anto e momento ey e acto sexual ta tuma luga.

Locual ta mas preocupante no ta e parti cantidad pero e situacion cu ta den dje. E ta aumenta pa e bida social cu tin. Den embaraso no pero den e sistema di abuso. Ora haya un mucha cu situacion di maltrato, abuso, droga anto e ta crece cune, e ta wake normal, e ta kere bida ta asina.

E ta splica cu ora bo wak un mucha muhe of homber maltrata otro severo, e ta bon pa wak nan historia pasobra mayoria tambe ta pasa den situacion asina ‘tur cos ta depende con nan lanta den nan cas’.

For di e momento cu un mucha ta baby ‘e por capta tur cos’ pa e motibo nan ta bisa cu ta pone enfasis riba mayornan pa pone atencion si tin un problema cu nan yiu pa nan purba soluciona e problema na tempo sin cu mester tin maltrato of gritamento. 

Pa motibo cu e gritamento tambe por tin efecto riba e mucha anto nan ta wak’e bek. Ora nan papia cu e mucha anto bay mas diep den e problema pa asina wak y por verwijs na un instancia prome cu yega pubertad anto e por bay robes.

A puntra Giel Labad si tin caso di incesto anto nan ta cay na estado. E ta bisa cu si tin caso pero den caso asina nan ta tuma otro desicion pa locual ta trata e embaraso den famia. Un mensahe pa mayornan cu no kier pa nan yiu wordo abusa of ta activo di trempan cu por cay na estado. E ta bisa pa mayornan acerca e mucha ora nan drenta den nan pubertad prome cu menstraucion pa papia hunto cu e mucha.

E ta bisa cu nan mayor por duna splicacion di parti di menstruatie ciclus, tambe cu tin mayornan por tin dificultad cu esey, pero tambe por splica e consecuencia di tene relacion y dune ehempel di e practica. Mayornan mucho biaha ta acerca na instancia pa busca conseho.

Tambe e ta bisa cu ora nan wak cu nan yiu tin amistad nobo, pa nan wak ken nan ta of ki intencion nan tin. Pa nan papia cu nan yiu y tin un bon relacion. Tin e confiansa pa nan por conta tur cos, si no por tambe tin instancia por yuda cune segun Giel Labad.

Leave a Reply

Your email address will not be published.