Prevencion di abuso ta responsabilidad di tur

Si un persona kier purba di abusa sexualmente di un persona ta importante pa bisa no. Corda core y busca ayudo ora hende purba abusa. Conta otro adulto of un persona di locual a pasa mas lihe cu ta posibel. E ta bisa cu mester compronde tambe cu no ta falta di dje si el a wordo abusa ‘no ta su culpa, e ta di abusador’.

Den caso di adulto busca ayudo si un den e pareha tin problema pa satisaface otro sexualmente. Acercamiento cu malintencion of intenta pa abusa. Por busa esaki serca un psicologo of algun persona cu por duna conseho. Sinembargo ta importante pa duna apoyo emocional. Bisa e mucha cu el a haci bon pa conta y cu e no tin culpa. Sigura e mucha cu e ta sigur awo y cu nada lo pasa door di raporta e incidente.

Busca informacion averigua mas hopi posibel di locual a pasa prome durante y despues di incidente. Yama asistencia medico pa tratamento di cualkier daño fisico. Pidi dokter pa manda e persona cerca un profesiona cu experieincia riba tereno sexual. Of yama e departamento nan cocnerni cu caso asina.

E ta bisa cu na cada momento mayornan mester sa unda nan yiu ta, cu ken y kico e ta haciendo ‘e ta importante’. Puntra yiunan kico e ta haci ora e ta su so cu su babysitter amigonan of cu cualkier otro persona. Stimula yiunan pa papia cu bo tocante cualkier problema of pregunta cu tin, confia riba sentimento di e mucha ora e no keir haci algo, duna sunchi, brasa sinta riba schochi.

Como miembro di comunidad por apoya esfuersonan di instancinanan social y policial pa anda cu e problema. Stimula tratamento pa e mucha of e abusado. Apoya e derechonan di mucha pa duna informacion exacto tocante abuso sexual.

Tur hende por yuda protehe un mucha contra abuso sexual. Mester por averigua e motibo, grado y efectonan di abuso sexual. Siña e mucha tocante abuso sexual y con pa tuma precaucion. Sea alerto pa senalnan di abuso sexual cerca muchanan cu bo conoce. Duna apoyo emocional na un mucha cu a ser abusa sexualmente y apoyo na programamna cu ta andando pa preveni abuso sexual.

Tambe a informa cu ta importante pa laga muchanan sa cu nan por tin confiansa y por papia abiertamente cu nan mayornan. Cu nan no mester tene nada scondi, pa nan laga sa inmediatamente ora un hende haci nan algo cu ta laga nan sinti incomodo, confuse algo cu nan no gusta.

Finalmente el a agrega cu ta ‘demasiado importante’ pa scucha yiunan poniendo bon atencion na locual nan ta purba di splica of bisa. “Den mayoria di casa e mucha no lo papia di un problema directamente, pero como mayor por ripara of yiunan mes por duna un señal verbal cu algo no ta bon.”

Leave a Reply

Your email address will not be published.