Fundacion Respeta Mi hunto den colaboracion ta duna informacion di abuso di mucha ta un tema delica pa comunidad di Aruba pero e anochi ta enfoca mas cu abuso di mucha homber cu ta un situacion preocupante. Lamentablemente dia pa dia muchanan ta wordo abusa sexualmente.

Nan ta bisa cu ‘mare niun mucha mester a pasa den si un situacion di abuso’ sea cu e mucha ta testigo di violencia domestico, negligencia, abuso emocional y abuso sexual. Nan ta bisa cu tur mucha mester ta proteha di tur sorto di abuso.

El a bolbe ripiti cu e charla lo ta poniendo enfasis riba abuso sexual di mucha homber. Segun Fundacion Respeta mi ta bisa cu e grupo aki tambe ta vulnerable y cu mester di atencion di comunidad. Ora ta papia di abuso sexual di mucha homber por ta no fisico y fisico.

Abuso sexual fisico

Den e parti fisico di un mucha ta ora tin caricia of cualkier forma di mishimento inapropia manera mishi chanchan of pecho un caminda unda e mucha ta sinti incomodo. Penetracion den caso di mucha hombe ta pasa via anal sea cu obheto of penis. Violacion of intento pa viola. E por tambe ta cu e abusador ta laga e mucha haci sexo oral cu ne.

Ta preferibel papia cu e mucha strit na e punto, en bes di sinta sconde algun palabra, paso esey ta realidad. Otro riba lista ta uza mucha pa pornografia. E ta remarca cu tin biaha e abusador ta tene relacion cu e mucha y haci un video esaki ta wordo bendi na sitenan pornografico of pedofiel por keda cu ne.

Abuso sexual no fisico

Den e parti aki ta por ehempel ora tin fotografia indicente. E ta splica cu tin biaha e abusador ta prefera di no mushi cu e mucha pero uza e potretnan aki pa su mesun fantasia of tambe pone riba sitesnan pornografico.

Un otro cu abusador ta haci ta papia abiertamente tocante sexo pa shock e mucha of pa lanta e mucha su curiosidad. Otro punto ta permiti e mucha mira of scucha actonan sexual of material pornografico.

E ta bisa cu e por ta un desconoci of un conoci pero un persona desconoci tin un porcentahe chikito y e porcentahe di famia tin un porcentahe mas halto. Pa e motibo aki ta importante pa e mucha sa di chikito di e mishimento no apropia y kico pa haci, y unda pa bay.

Estadistica globalmente y na Aruba

Mientras mas chikito nan ta mas vulnerabel. E ta bisa segun estadistica globalmente di Unicef na 2016 mucha bou di 20 aña di edad, 150 miyon di mucha muhe ta wordo abusa sexualmente esaki ta 1 di 10 mucha muhe. Den e caso di mucha homber bou di 18 aña ta un 73 miyon cu ta 1 den 6 mucha homber ta wordo abusa sexualmente.

Den caso di mucha homber ta bira mas dicifil pa bisa pa motibo cu nan ta mas sera. Pa miedo, berguensa nan ta dicidi di no raporta un abuso. El a sigui splica segun estadistica di bureau sostenemi a haya cifr di Aruba di abuso sexual di mucha bou 18 aña ta na (2015) 39 caso a raporta, na (2016) 28 caso a raporta y na (2017) 20 caso a raporta.

Etapa di abuso

E ta bisa pa niun mucha sconde un secreto sea si abusador bise cu ta un scereto. E ta bisa cu hopi biaha tambe mucha ta conta nan mayornan cu nan ta wordo abusa sexualmente y mayor no ta kere nan. Pa asina busca un ayudo toch y no keda keto. “E ta un situacion dificil paso e persona cu ta supone proteha cu cuidabo mes no ta kere den e locual e yiu ta bisando”, e di.

Ora un abusador ta bay abusa di e mucha sexualmente prome ta detecta asina wak con vulnerable e mucha ta. E ta cuminsa studia su personalidad, su manera asina e sa con pa por acerca.

Despues cu e abusador a detecta tur locual a por a haya sa di e mucha e ta bay haci e acercamento. Mientras mas chikito miho asina por domina mas facil. E ta cuminsa haci amistoso cu e mucha, sea hunga cu ne, of haci algun wega cu e mucha ta haya leuk na cuminsamento (esaki por resulta den contacto fisico inapropia).

Ora e pasa e etapa di amistad e ta bay pa manipula e mucha, e ta cuminsa cumpra regalo, of hiba cuminda p’e asina e mucha ta cuminsa crea un confusion y asina tambe por wanta e secreto di e abusador. E secreto ta bin ora cu e abuso cuminsa, asina e por menasa e mucha di tur locual e dune y pa e sera su boca.

Señal of sintoma di abuso

Durante un investigacion Botman-Jimenez a bisa cu pa un mucha homber tin dificultad pa expresa su sentimento. E manera pa cuminsa duna señal of sintoma, e ta cuminsa mustra rabia, come huña, bringa cu ruman, dificultad pa kita paña dilanti otro.

E mucha homber por cuminsa wak pornografia, e ta masturba (insaciabel). E por cuminsa expresa su mes cu tendencia homosexual y ta confundi esaki, ta aclara cu no ta pasa cu tur. Circulo di abuso ta crea. Tambe el a agrega mustrando video den caso cu mucha mes ta abusa di otro mucha.

Leave a Reply

Your email address will not be published.