Actividad pa salud ta conta pa tur tipo di hende

IBISA a informa cu awendia tin hoben cu no ta haciendo movecion anto esey ta pasa cu tin problema di obesidad y sobrepeso. Tambe tin e problema caminda mucha ta prefera sinta paden y no bay pafo hunga. Steven Croes, dokter di IBISA a splica cu mayoria di biaha a wak hnede pero nan mes no sa kico presion halto ta of ki ora nan tin problema cu sucu, sobrepreso of obesidad na Aruba. Nan ta kere cu nan ta saludabel sin sa cu nan tin peso halto of algun otro problema.

Croes a duna di conoce cu nan lo wak con nan lo bay kibra e barera pa traha un educacion continuo. Cu espacio pa hiba y duna mensahe. E ta splica si cada biaha ta sali mas hende cu presion halto, hende muhe y hende homber ta caso mescos.

Hende por papia di bay gym, facilidad pa cana rond. Pa nan tin conocemento di importancia di haci actividad fisico y come bon saludabel. Esey por yuda e cambio di estilo di bida. pa e motibo aki IBISA ta traha duro pa trece e informacion dilanti.

Pa hende e ta facil pa bay cana, bay un supermarket, cumpra cualkier cos cu ta saludabel pa salud. Croes ta bisa cu costoso pero e costo di bida ta mas caro. Pa wak kico ta sali mas barata cu ta beneficia e persona.

Sinembargo Croes ta bisa cu ta keda na cada persona pa realisa y tuma e paso pa asina cuminsa haci movecion ‘actividad fisico’ pa asina drenta den e estilo di bida saludabel.E ta duna di conoce cu accion ta locual hende falta pa asina baha cifra di atake di curason.

El a duna un comparacion cu tempo di antes cu bida tabata mas trankil, actualmente cu tecnologia a cambia. Persona ta keda dependiente di nan telefon y conecta. Pa nan sa cua ta e ultimo desaroyo. En bes di tuma e tempo ey pa haci cualkier actividad fisico.

Esey ta pone cu e facilidad cu tin, e persona a bira mas floho y mas keto ‘nos no sa con pa handle globalisacion’ sea radio, media tur hende sa cu nan tin cu move pero no ta haci’e pa motibo di nos mes. Sinembargo e ta bisa cu cada responsabilidad ta keda na cada pashent. Un dokter por bisa un persona pa haci un cambio den su estilo di bida pero e persona no ta busca pa un cambio.

Tambe nan a comparti cu persona tin cu keda controla.  “Locual nan no sa cu e malesa, e parti di no ta activo por matabo. E persona por ta flaco mes pero e tin cu move. Si bo wak estudio di actividad fisico mi por biba tranki. Mi por ta flaco no saludabel compara cu e otro cu tin tiki sobrepreso.”

Segun Croes, den estudio ta bisa cu persona cu tiki peso cu ta haci actividad fisico ta biba mas cu un persona cu ta flaco cu no ta move. E parti di actividad ta keda importante sin importa ‘flaco of gordo’. E ta amplia cu na Aruba no ta straño pa wak den e scolnan cu tin mucha for di chikito cu ta sobrepeso y nan ta moviendo pa wak diferente manera cu mester cambio di modernisacion pa trece den cultura.

Sinembargo e ta bisa cu mayornan tin cu ta responsabel pa dedica tempo na nan mes y nan yiunan pa ta den actividad fisico. Pero mucho ta prefera duna un mucha un ipad cu pone e mucha den futbol. E ta bisa cu e parti di pone excusa mester wordo kita. Pa hende cuminsa tuma punto di haci movecion y manera un habito, caminda e dia cu e persona no por haci sport e ta bay sinti un culpa ‘tur dia involucra actividad fisico’.

Leave a Reply

Your email address will not be published.