Fundacion FADA Aruba ta tene na cuenta cu awo cu muchanan/hoben ta pasa nan tempo na cas e aumento di video gaming, uso di television. Netflix, Youtube a bira grandi, tambe den adultonan.
Cindy lacle trahado preventivo di FADA a splica cu for di aña pasa World Health Organization a bisa cu e mental health disorder cu addicion di video gaming ta grandi sinembargo awo mas hende ta haci uso di dje na cas.
FADA ta bisa cu nan ta keda contra esaki, pasobra toch por causa adiccion pero nan lo duna e tools necesario pa siña muchanan y adulto pa bay om cu esaki. E ta bisa cu ta un oportunidad pa muchanan comparti cu nan mayornan of pasa tempo cu nan.
E ta compronde cu tin diferente plataforma online. Muchanan ta bira mas adicto y ta dificil como mayornan pasobra e structura a cambia, ambos partido tin stress. Sinembargo Lacle ta bisa cu ta importante como mayor keda implementa e rutina pa nan mes y muchanan.
Nan por pone cierto ora di ki ora e mucha por bay riba su laptop riba medionan social. Despues haci huiswerk. Tambe si nan ta bezig ta comunica cu otro amigonan via medionan pa nan wak kico nan ta haciendo.
Pa mayornan keda haci structura, sea traha un programa caminda e mucha ta lanta lesa, ta bay baña, haci cosnan na cas, organisa nan mes ‘e ta bay pa structura’ haci actividad, e ora den momento liber por hunga video games y otro weganan.
Lacle ta bisa pone lesnan di gymnasia pa haci conhuntamente den famia den rutina di baile. Tambe mester tene na cuenta cu e social distance pa un mucha por ta straño y nan kier uit nan mes cu nan otro amistad di scol, e ora nan por papia cu nan amigonan via video chats pero cu supervision di mayor.
E ta comparti cu no ta solamente hende grandi ta sufri di stress pero muchanan tambe. E ta keda situacion dicifil ‘nos tur ta bibando e crisis’ e ta afecta tur hende, sinembargo no ta recomenda pa wak Netflix henter dia, pasobra ta pone cu curpa ta bira floho, depresivo, no tin gana di haci nada.
E ta bisa cu mester cambia e manera di pensa, haci movecion, ehericiso. Cambia e strucuta y traha rutina nobo. Tambe e temponan aki ta oportunidad pa mayornan por comunica cu nan famia ‘nan yiunan pa nan tende nan pensamento, nan problema y uit nan mes’.
Ta enfatisa si cu Netflix, youtube y otro plataforma cu tin no ta malo semper cu un supervision di mayor, sea ta wega di 18+ mester ta consciente di kico e mucha ta bezig cune. Nan ta keda duna tips/idea riba nan medio social pa asina e mayor tin miho comunicacion cu nan famia.
Leave a Reply