CEO di Aruba Port Authority, Marc Figaroa ta comparti riba e bon noticia di ricibi e linea nan crucero y e bon comunicacion cu tin cu headquarters na Miami cu linea crucero pa asina por a activa bek cu e industria crucero despues di 1 aña y tres luna cu e ultimo crucero a bin den nos waf.
Pa Figaroa, y pa Aruba, ta sigur algo grandi cu ta e prome crucero cu a cuminsa den Caribe. APA conhuntamente cu departamentonan concerni manera ATA, DVG, Directie Scheepvaart a prepara protocol y presenta esaki na Crisis team pa acepta y yega logra na finalisacion cu por bisa bon bini na e crucero na Aruba.
Por mennciona cu e comienso lo ta slow, mirando cu CDC (e DVG di Merca) ta den un situacion cu estado di Florida pa casonan tocante e obligacion y reglanan pa e vacuna. Nan di APA ta sigui e caso y wak con ta desaroya.
Figaroa ta bisa cu lo sigui den contacto ora tin indicacion cu otro puerto pa por activa, pa awo tin e protocol cu e maneho conforme nan regla local implementa pa crisis team, manera e uso di mask, pasaheronan cu mester ta vacuna (cu e vacuna FDA approved).
Nan a traha cu KPA, ATA pa asina delinea tur tereno pa traha den un forma organisa y structura pa tur hende atene nan mes na protocol cu aruba tin. Pa awo, financieramente pa APA, ta un bon comienso di recuperacion economico.
Leave a Reply