“Mi lo bay ta den naturalesa pa hopi aña mas, na tur mi ex coleganan, danki pa nos por a traha hunto den bon y den mal tempo. Un danki pa confiansa ta bay na tur studiantenan cu mi por a yuda cu nan lesnan over di naturalesa, tin algun cu a bira adulto (docente) te cu nan a trece nan yiu pa mi yuda cu nan les over naturalesa.”
Sr. Franken ta bisa cu for di kleuterschool te cu IPA y universidad di Aruba. E ta manda danki na tur e docentenan di diferente scol cu a pone nan confiansa den dje. Pa presentacion na scol y na parke mes. Tambe ta duna danki na mariniers kazerne hunto cu e grupo di SVT cu mi ta cla pa yuda hobennan pa stage.
“Danki ta bay tambe na cuerpo policial, brandweer y ambulance cu a pone nan confiansa den mi, ora mi tabata un emergencia, no tabata importa e ora, mi ta cla pa yuda. Na pueblo di Aruba danki tambe, cu mi tabata e persona cu mester a busca colebra nan na cas, sea di dia of anochi. Den 20 aña, mi a gara mas di 1500 colebra di diferente tamaño.”
E ta corda riba turistanan cu el a sera amistad pa hopi nan a keda bishita parke, tin turista cu te hasta riba trip advisor a recomenda su persona pa e bon trato cu nan a haya. “Mi deseo ta pa tur mi conocemento den naturalesa, mi kier pase pa otronan por sigui cune. Semper mi dicho; nos niun no tey pa semper. Danki di curason.”
Leave a Reply