Director di DTP ta aclara riba asunto di permiso pa core

Director di DTP (Departamento di Transporte Publico) sr. Theo Kock ta aclara riba asunto di trahado cu a bisa cu su permiso a keda nenga di trahado cu a tabata persecucion politico. Sr. Kock ta bisa cu tur e test cu ta wordo haci.

Ora cu e persona a haci su test, el a core e prome biaha anto a ripara cu e persona no ta coriendo bon ‘no ta apto pa sigui core’. Sr. Kock a bisa cu e pa siguridad den trafico e no ta bon y pa motibo a pone den rapport cu no a pasa e test.

E vergunning aki ta pa un aña pa persona cu tin mas di 65 aña di edad cu mester keda haci’e tur aña. Tambe ora a cuminsa haci pregunta den e test, e persona no tabata contesta na un manera corecto.

Un otro punto cu e ta menciona ta e parti di SVB caminda e persona mester haya un goedkeuring positivo for di e departamento pa por tambe haya su permiso. Cu tur señalnan cu e persona no a pasa y a druip tres biaha a pone cu no por a haya e carchi.

Sinembargo e persona a pidi afspraak ‘cu no ta costumber’ pa haci un di dos test. Den e siguiente test e persona a bolbe faya den e test di core y e contestanan e no a haci completamente bon.

Sr. Kock ta bisa cu a wanta pa varios luna pero tur cos ta basa riba ley y no tin nada di persecucion politico. Tur ta wordo midi mescos.

Leave a Reply

Your email address will not be published.