Sindicato y gobierno a tene reunion, sr. Edward Maduro, presidente di sindicato SADA di Douane ta bisa cu depsues di mas di un aña cu e cuerpo tabata bandona.
“Nos tabatin un aña y mey sin sinta cu gobierno encarga cu Douane, nos cu ta un departamento cu ta contribui cu 300 miyon den caha di gobierno anto no por a inverti den un edificio di 8 miyon”, e ta bisa.
Nan a keda insisti cu tabata kier contesta for di gobierno pa yega na un solucion. Den e reunion cu a tuma luga, sr. Maduro ta bisa cu a puntra prome minister, kende ta encarga cu cartera di infrastructura pa asina duna splicacion.
Algo cu nan tabata pidi for di 2016 pa por yega na un edificio nobo. E ta bisa cu nan kier wak e balor di nan trabou y cumpli cu a ser priminti na nan. Prome minister a bisa cu e plan pa edificio ta cla.
“El a duna nos noticia cu nos mes no tabata sa nada, cu e prome piedra pa edificio lo keda poni prome cu eleccion”, e ta splica. Tambe sr. Maduro a bisa cu a puntra tocante e asunto di director cu a nombra un persona sin tin e papel.
E ta bisa cu prome minister a bisa cu lo tin investigacion riba e asunto aki pa wak con e persona e yega na e posicion cu e persona tin actualmente, sin embargo nan no a tende mas riba esaki y tabata kier un update.
Sr. Maduro ta bisa cu ta un falta di respect cu ora ta un ambtenaar ta pone riba medionan social algo insignifcante anto ta keda persigui pero ora ta un persona cu ta comete ‘blunder halto no ta keda persigui’.
E ta bisa cu integridad den aparato gubernamental ta selectivo anto esey no ta husto. Nan lo sigui cana cu tur asunto segun regla y wak kico lo pasa den e dianan dilanti.
Leave a Reply