DOW: Caminda di Pos Chikito cu tabata pega trafico a keda cla

Ingeniero di DOW, sr. Jossy Kock ta comparti riba e caminda di caminda pa bay pariba tabata pega e trafico, pa e motibo aki a cuminsa e trabou pa amplia e caminda pa por tin mas movilisacion.

Pa motibo di pandemia a crea atraso pa haci e trabounan aki, sinembargo awo a keda cla y awo ta wak un bon resultado caminda e trafico no ta stroba e otro y e ta sigui su caminda.

Sr. Kock ta bisa cu e marca lo keda continuo y hende por wake pa e parti anochi pa asina trafico por circula pa bay Playa y San Nicolas ‘e ta cumpli cu su planificacion’. “E ta cumpli cu tur norma, fluho di trafico ta mehora, y tur cos por circula sin problema.”

E parti di bushalte ta asina cu a diseña e projecto aki di Green Corridor cu a anticipa riba desaroyo cu ta bay tuma luga na Burunbundo a laga e bushale ta asina di palabracion di inicio di projecto di Arubus, na unda mester cambia ruta pa e parti di peaton cu ta haci uso di transporte publico.

Sr. Kock ta bisa cu Arubus tin cu haci su parti pa cambia ruta pa haci uso di caminda pa subi High Way. Tin palabracion pa hala bushalte pa asina por yega e rotonde di drive in of Pos Chikito pa desvia parti paden pa asina por laga pasahero.

E bushalte lo keda eynan ora cu Burunbundo lo desaroya pa balansa hende ora lo por crusa pa otro banda. Tin cu cumpli cu palabracion cu DOW pa pasa ruta na Playa.

Leave a Reply

Your email address will not be published.